حلقات مفقودة

كلهم خرجوا من الحلقة

مافيش حد باقى غيرى

ياترى هخرج زيهم؟؟

ولا كالعادة

هستنى لما غيرهم يجيوا

ويشبكوا ايدهم فى ايديا

ونعمل حلقة جديدة

ويجيى وقت يخرجوا هما كمان

وارجع تانى

لوحدى

عندما تمشى فى طريق فاضى

كنت مروحة البيت على الساعة 5 المغرب كده

_______________

, واودامى طريقين , إما انى ألف وامشى طريق طويل كده ,

________________

أو امشى من قصير جدااااااا بس فاضى خالص مافيهوش بنى ادمين خالص ,

_______________

كل اللى ماشى فيه عربيات واتوبيسات ومينى بصات

_______________

ولأن الكسل كان راكبنى ,

________________

قولت امشى الخطوتين دول ف السريع ودقيقة وهكون مخلصة الطريق الفاضى دا واكون ف بيتنا

_______________

المهم ماشية لقيت واد صغير كده , يجيى اولى اعدادى مثلا

________________ ,

واكيد طبعا كلكم عايشين فى مصر وعارفين ان فى عيال صغيرين كده بس بيعاكسوا وبيستظرفوا وممكن كمان يستهبل ويمد ايده

________________ لقيت الواد جاى من الناحية التانية بيعدى وبيبسبس ,

_______________ وبيقولى : أأأأأأأأأأنسه

,, يا أأأأأأأأأأأأأأأأأنسه , انتى ماشية على طول الحتة دى ؟؟ عايزك بس تعدينى معاكى من الكلب الاسود اللى هناك دا

طبعا انا عارفة الاستهبالات بتاعتهم , ونظام البراءة المستهبلة دا ,

________________ رحت ولا بصتله اصلا

__________________ المهم كملت مشى ولقيت الواد بيقرب منى , ابتديت اقلق منه , واخاف من الكلب ,

_________________ وقولت بسسسسسسسسسس دا ناوى على نهايته انهاردة لو فكر يستهبل ,

_______________ ببص اودامى

___________ لقيت الكلب الاسود كمان قرب

____________ بصراحة خوفت

____

, قولت ما فيش حل غير انى ألف للواد دا واضربه بالشنطة علشان

يغووووووووووووور بدال ما يعمل حركة ماتعجبنيش ويجرى

____________

______ استجمعت كل قوايا , وروحت لفيت للواد وبرأتله بعنيا

____________ لقيت الواد اتخض وخااااااااااااف

وقعد يبص للكلب وليا ______________ وصرخ : هوه فى ايـــــــــــــــــــــه ؟؟ _______________ وهاتك ياجرى , لم يتبقى منه اى اثر على بعد خمسين متر اودام __________ اتارى الواد ياعينى كان فى ايده كتاب ورايح درس باين وفعلا كان خايف وعايزنى اعديه من الكلب ___________________ واتارى بصتى بترعب البشر

كان هاين عليا اروح اجيبه تانى واقوله معلش حقك عليا :(

بوم تك

بوم بوم تك تك

بوم بوم تك

مزعور

دخلت علينا صحبتى فى يوم بولد شكله غريب الاطوار

_______

يشبه العيال الامريكان اللى بتبقى رجليهم طويله وبنطلوناتهم مسقطينها , وماشيه زى مايكونوا موطيين وسطهم _______

وف ايده حاجة الكتورنيه صغيره اد الاتارى الجيم اللى كنا بنلعب عليه زمان

_______

سألتها مين دا يازوزو

_______

قالتلى ابن اخويا

_______

قولتله : ازيك

_______

راح ابتسملى, ابتسامة معقدين وقالى فاين ثانكس

_______

بصتله كده , وقولت لزينب : هوه ماله دا

_______

وحكتلى قصته واتأثرت اوى

_______

قصته : انه مامته وباباه ماتوا فى حادثه فى امريكا , فهوه مابقاش طايق يعيش فيها للحظة واحدة

_______

وجاى على امل يكمل حياته كلها هنا , ورافض اى مناقشه فى الرجوع __

_______

والمصيبه , إنهم ف امريكا لمجرد ما بيتموا عشر سنين زى حالته , بيبدأوا يبقوا مسئولين إلى حد كبير عن قراراتهم , وإن كان عليه فهوه نفسه اصلا يموت ويتخلص من حياته كلها , مش من عيشته ف امريكا وبس

_______

المهم انه من يوم ما جه وهوه مسبهل ,

_______

اولا : مستغرب ان العيال بياكلوا فى البلاى جراوند

__ عايز تابلز وتيتشرز ووجبه

_______

عايز كابورد يحط فيه اللبس والترانينج والكتب اللى مالهاش لازمه يشيلها رايح جاى

_______

عايز مواد ذكاء , زى ماكانوا بيعملوا ف امريكا

_______

مستغرب نطق العيال للإنجلش جدااااااااااا , بيقول : دول هينسونى الانجلش , كل اللى عليه , انه اول ما يسمع حد بينطق غلط يقعد يضحك

_______

ومن سوء حظه كمان انه دخل فصل من فصول الدكاتره ( دكاتره من ورا يعنى ) , لأنه مايعرفش اى حاجة عن العربى , فلازم يتعامل بالراحة زى العيال اللى مش شاطرين

_______

المهم انا حاسه إن الولد دا بيتقتل كل يوم بوجوده فى وسطنا , لأنه اعلى مننا , احسن من الولاد بتوعنا واذكى منهم , وعمره ماهيلاقى نفسه فى مواد الغباء بتاعتنا دى خااااااااالص

_______

دا لما بيمسك الكمبيوتر بتاعه دا , بابقى عامله زى البطيخة جنبه , لا عارفه ادوس شمال ولا يمين , وهوه يدخلى نت بحتة المقلمة الصغيرة اللى فى ايده دى

_______

ربنا يهديه ويفكر صح

هيه العشرة والصداقة رخصت ؟؟

ولا مابقاش ليها تمن اصلا ؟؟؟

_________

( إدفن ذكرياتك واشطبه من حياتك وماتبصش لتحت )

مش عارفه اوصل للمرحله دى خالص ,

انى ادفن الذكريات ,

لأنها مالهاش ذنب تموت , فى زمن بيقتل اى حاجة اودامه حتى الصداقه

اللى بيقولوا انها زمان كانت اغلى قيمه ف الوجود

اول مرة احس إن الصداقه بتضعف البنى ادم مش بتقويه

____________

نصيحتى بقى لكل حد بجد عايز يحافظ على الصداقه اللى فى ايده :

لما تكون زعلان من صديقك , ألفت انتباهه انك زعلان منه , ماينفعش تبقى شايل منه وما تلوموش , وف الاخر تقول انا باقى عليه

باقى عليه اذاى , إذا كنت انت اصلا مش هاين عليك تلومه , علشان تصفاله , وترجع تانى تحط راسك على صدره وتعيط بصوت عالى بس يكون مكتوم جواه هوه بس , ماحدش سامعك غيره

اوعى فى يوم تدفن ذكرياتك معاه , لأنه اكيد طالما ليه ذكريات معاك , يبقى اكيد هوه دا احسن حد انت شوفته مناسب لصداقتك

ممكن تطلق مراتك , او تتطلقى من جوزك , لكن ما تسيبيش صديقك ابدا

استنى عليه لو رجعلك يبقى اكيد انت اختارت الصديق الصح

ولما يرجع اوعى تصده , ممكن تلومه من عشمك فيه , بس فهمه إن دا عشم , علشان ما يفتكرش انه فراق

_________________

وف النهايه : رساله إلى صديقة :

انا مش عارفه ايه اللى حصل

بس انا يوم ما زعلت

كنت باقيه عليكى وكنت هلومك

بس انتى حرمتينى حتى من انى ألومك

ياريتك كنتى لومتينى

بس جايز مكالمة التليفون غاليه عليا

عموما ذكرياتى معاكى محفوره :)

غلطانه ؟؟

طب حد يقولى إن انا غلطانه :)

محبوبتى

عزمت الذهاب للكليه وبالفعل اخدت نفسى ونزلت اركب المينى بص

__________

واااااااااااه من المينى بص

___________

قعدت فى كرسى ف الاخر واودامى كرسى قاعد عليه ولد

__________

ووقفت بنت غريبه اودام كرسى الولد , وسندت بعزم قوتها , بدون اى خجل , كأن اللى قاعد اودامها بنت وعادى يعنى

___________

الولد قعد يبصلها باستغراب اوى , واتكسف من البنت , وقعد يبعد عنها جامد , لدرجة كتفه بقى لازق ف كتف الراجل اللى جنبه

___________

منظر غريب جدا

___________

على ايامى كانت البنات هيه اللى بتتكسف

__________

ياخساااااااااااااااااااااااااره

__________

المهم نزلت محطة الجامعة وادور على السور المفتوح اللى كنت بدخل منه زمان ما لقيتوش

__________

راحت واحدة ربنا يعمر بيتها قالتلى : انتى فى سنة اولى ياتوتا ؟؟

قولتلها : لأ خريجه

افتكرتنى بهزر باين

راحت قالتلى امشى على طول هتلاقى سلالم اطلعى عليها هتلاقى نفسك الناحيه التانيه

__________

طبعا بقيت حاسه انى غريبه , فى وسط جيل غير جيلى خالص , وكلهم ولادى

___________

قعدت استنى صحبتى , ومنها اتفرج علبى الكتاكيت الصغيرين , واعرف خيوط الموضه وصلت لأيه ؟

___________

بس على ايامى كانت الاذواق احسن , كنت بحب اتفرج على افتكاسات البنات

___________

دلوقتى لألألألألألألأ , بقوا ذوقهم منحدر اوى

___________

جت صحبتى وكاااااااااانت وحشانى موت , اخدتها وقولنا هنلاقى الامن مشدد ومرخم جدا

____________

مالقيناش اى حاجة من كده , الراجل اصلا ما كلفش نفسه يبص ف البطاقات

_____________

الاماكن ما اتغيرتش , بس ما بقاش فى حد من اللى عارفينهم خالص , زمان كان فى كل شبر حد اعرفه

_____________

دخلت الألسن واسترجعت كل ذكرياتى فيها فى لحظات , وافتكرت كل مواقفى مع ريهام من اولها واخرها , وكنت عايزة اضحك اوى على مواقفنا , بس سكتت لحسن الناس تقول عليا هبله

__________

وعلشان ما نبقاش قطعنا عادة , دخلنا مشهور ( ميدو حاليا ) , وكلنا سندوتشين اعوذ بالله منهم بجد

___________

طبعا الطلبه كل شويه , نلاقى بنات وقفوا اودامنا , ويسألونا : سنه اولى ؟

___________

كلهم ياعينى داخلين سنه جديدة وعايزين يعملوا اصدقاء

___________

بس فعلا كنت سعيدة , كليتى كانت وحشانى جداااااااااااااااا , وصحبتى كانت وحشانى جدا جدااااااااااااااااااا

________________

بس حسيت انى فعلا اكتفيت , وإنى مش ندمانه انى مابقتش طالبه

وانى كبرت خالص على الناس دى

وافكارى ودماغى كبرت معايا

شهر = يوم

ووصل شريف بعد سنتين غياب

_______________

انا فاكراه لما كان ماشى , ولسه رايح يجرب حظه , وقالنا انا هشوف شغل لو لقيت هاجى اخد حاجتى واجيلكم

_____________

كانت كل تواقعتنا إن غيابه مش هيزيد عن شهرين

_____________

بس لما لقيناه ربنا وفقه , والشغل اضطره انه يقعد , اضطرينا نخضع للامر الواقع ونرضى بغيابه اللى كان قاتل كل فرد مننا

____________

المهم بعد السلام على كل افراد الاسرة وخصوصا بابا

_____________

قعدوا يحضنوا بعض جامد , ونقوله خلاص يابابا الواد صايم , وبابا ماكانش قادر

____________

ولمحت كام دمعه فى عين كل حد فيهم

_____________

ياااه , انا تقريبا ماشفتهمش بيدمعوا قبل كده

______________

للدرجادى الضنا غالى ؟, للدرجادى شريف كان سند لبابا ؟ فعلا فى دموع فرح؟

_____________

قعد الاستاذ شريف على الترابيزة علشان ياكل , وكان بيختلس نظرات على كل جزء ف الشقة , كأنه فى شقة اغراب , او زى ماتكون ارجاء الشقة كمان كانت وحشاه

_____________

طبعا كان كل لما يروح حته , الاقينى انا وسارة واميرة وراه , زيى مانكون بنوسعله الطريق , علشان يتخلص مننا راح مدينا الهدايا علشان نهمد بعيد عنه :)

____________

شويه ونزل يصلى , بصينا عليه من ورا الستاير وهما الناس بيسلموا عليه

_______________

كنا حاسين بفخر غريب , انه اخونا ( ربنا يحفظه ) ,

____________

وف ثوانى جرى الشهر , وهابقى احكيلكم عن الوداع

بعد طووول انتظار

باقى على الفطار حوالى نص ساعة , والتليفون بعد لما كان بيدينا مقفول , بقى بيدى جرس

_________________

واحنا قاعدين مقلقين ومرعوبين , لأنه بقاله سنتين مانزلش , وكل لما يجيى ينزل يحصل حاجة تمنعه

_______________

لما لقينا جرس , الخمس موبيلات اللى ف البيت قعدوا يطلبوه

_______________

بعتلنا مسج : قالنا انا لسة ف المطار ولسة بدرى عوقبال لما الشنط تخرج

______________

من وقتها وبابا عمال يقولنا كل شويه : بصوا كده من البلكونه , جايز تصدف وتلاقوه طالع

__________________

المغرب اذن

_______________

صايمين ولازم ناكل

________________

ابتدينا نهدى , ونسيبها لظروفها

________________

فجأة الجرس قعد يرررررررررررررررن كتير

__________________

بابا صرخ فينا : افتحواااااا لأخوكوا ياولاد

_________________

اترصينا بنظام وكل انظارنا متوجهه ناحية الباب , بنحاول نتوقع الشخص الغايب من سنتين دا بقى شكله ايه

_________________

كان ناقص نغنى : ألف حمد لله بسلامته ,,,, البطل عاد وبكرامته ,,, ياللى فى غيابه اتحرمتوا ,,,, من شهامته وابتسامته

________________

المهم انا فتحت الباب ولقيت حبيب قلبى اودام عينى

______________

اد ايه كان واحش كل حد فينا , ملامحه وضحكته الجميلة , رجولته وجدعنته

____________

ورغم اننا كنا بنتكسف نسلم ونحضن زمان , نظرا لأنه ولد , حتى لو كان الولد دا اخونا

_____________

إلا انى مسكته وحضنته جامد وبوسته , كان وحشنى جدا جدا , فعلا حسيت يعنى ايه تفتقد شخص

____________

ابقى اكملكم البوست الجاى

:)

والعديه صره من الجنيهات

الايام جريت اوووووووووووووووووى

ورمضان خلص

وحبس الشياطين اتفك

يارب يكون العيد سعيد علينا

ونفرح بغبااااااااااااااء

البوست الجاى هيعجبكم ان شاء الله لانى هحكيلكم فيه عن شعور حلو اووووووووووووووووى حسيته الفترة اللى فاتت , واد ايه السعادة كانت ماليه اسرتنا بأكمله

ا . عيد سعيــــــــــــــــد يامدونينى الاعزاء

ماحدش يمشى من غير ما يسيب العديه لو سمحتم

تصدقوا هتوحشونى : )

بالألمـــــــــــــــــــانى

بالإنجلش

بالعربى

إلى ما بعد رمضان ( إن شاء الله ) , إن احيانى المولى

تتمنى ايه ياسماح؟؟

تنويه : السؤال اللى ف اخر البوست اجبارى

من كام يوم سألتنى صحبتى : _____________

( بتتمنى ايه ياسماح؟ )

لقتنى باتهرب , بس ليه هوه الحلم بفلوس ؟؟

_ بحلم انى استعيد الألمانى اللى تقريبا نسيته نهائيا , والمشكلة انه كان اختيارى , دا أنا ياما مققت عينى ف القاموس

_ , بتمنى انى اتجوز واحد , مش اى واحد , حد يكون بيحبنى فعلا ويتقى ربنا فيا اوى , يفهمنى من غير ما اتكلم , وياه بقى لو طمووووووح , ماما ديما تقولى انتى غريبة ومابيعجبكيش العجب , بس انا مش شايفة كدة , انا افضل انى اقعد عمرى كله من غير جواز , ولا انى اعيش تجربة فاشلة تعيشنى حزينة , وخصوصا لأنى متأكدة انى ساعة ما هانكسر مش هاعرف اتداوى تانى ।

_ , نفسى اشوف عيالى حواليا صغيرين , وانا كمان ما اعجزش ولا يبان عليا الكبر , ويااااااااااه بقى كتير بحلم بصورة باباهم وهوه بيلاعبهم , لو بنات هجبلهم فساتين عسولة وتوك لون الفستان وهخليهم قمررررررررات ( زيى )هههه ,

لو ولد ياااااه على جماله وهوه بيعمل عليا راجل

_ ووجود عيالنا دول مش هيقتل جوانا الرومانسية , بالعكس هينشطها ويحيها

_ باتمنى إنى اسمع كلمة خالتو وعمتو

ماتستخبوش وتخبوا حلمكم معاكم

إحلموا دا الحلم ببلاش والله

,,,,,,,,,,,,,,,,,,,,,,,,,,

,,,,,,,,,,,,,,,,,,,,,,,,,,

,,,,,,,,,,,,,,,,,,,,,,,,,,

السؤال : بتتمنى ايه يا ..............؟؟

سنة الحياة

نظر إلى الجوهره بعد أن قام بلفها بقطعة حريرية بيضاء تحفظها وتظهر جمالها وابتسم

تمنى أن يضعها فى قبضة يده ولكنها كبيرة ولم تسعها قبضة يده

احتواها تحت إبطه واصطحبها إلى سيارته التى سهر الليل على تنظيفها من اجل ذلك اليوم رجع بذاكرته إلى السنين التى عاشها يهتم بتلك الجوهرة ويحميها من الحاقدين والطامعين , وكيف عانى فى اختيار الشخص المناسب الذى سيحافظ عليها

______________

وتساءل : لماذا احفظها انا كل ذلك العمر ويأتى اليوم الذى يأخذها احد غيرى ؟؟؟ والغريب اننى كنت انتظر ذلك اليوم , والأغرب اننى اشعر بالسعادة اليوم

________________

,

وبينما هو غارق فى التفكير فإذا به يتوقف ليلوم نفسه فكيف يضيع كل تلك اللحظات دون الحملقة فى جوهرته , فهى مازالت ملكه ؟

______________

فادار السيارة رغبة فى العودة مرة أخرى إلى منزله , ولكن انتهى الوقت وليس لديه خيار سوى تسليم الأمانه

______________

. اكمل مسيرته وكأن جبل مستقر فوق صدره من بداية تلك الرحلة الصعبة

_____________

. واخيرا وصل إلى ذلك الرجل المهندم الذى يفتح يده منتظر الجوهرة , وبالفعل اخذها ووضع قبلة رقيقة على يدها فلمعت وازدادت رونقا وجمالا

تلك هى سنة الحياة ودور الآباء , يضعوا البذرة ويرعوها طيلة حياتهم حتى يأتى من يستحق أن يقتطف تلك الثمرة

وعادت ريما

ورجعتلكووووووووووووووووووا تانى

___________

حاسة انى كنت ف عالم تانى

___________

دنيا حلوة

___________

بس ما انكرش انى حسيت بالحنين لبيتى حبيبى ف اخر يوم , لما سارة قالتلى : يوووووووووووه هنرجع تانى لبيتنا

____________

لقتنى بارد عليها بكل حكمة: وهوه احنا لينا غير بيتنا , البيت دا لمجرد ما هنسيبه هيجيى ناس تانى ويسكنوا فيه ويناموا على سرايرنا ويفتحوا تلاجتنا , لكن بيتنا دا لو سيبناه عشر سنين ماحدش يقدر ياخده مننا طبعااااااااا

بحب اتنين سوا

إن شاء الله

يوووووووووووووووووووووووووم

7 / 7 / 2009

هشوفه

هاسمعه

هتصور معاه

هطير بهواااااااااه

هنسى الدنيا وانا معاه