Be in his/her shoes

من كام يوم وانا رايحه علشان اركب الميكروبص

لفت انتباهى مشهد غريب شويتين

واحدة واقفه وواحد موطى و بيربط ليها الكوتشى بتاعها

كنت عايزة اروح احيه بجد

انا مش حساها قلة كرامة خااااااااااااااااااااااااااااالص على فكرة

ولا نوع من انواع المذله ولا التقليل من النفس زى ماكتير اكيد هيبصلها من الناحيه دى

انا بصلها من ناحية تانى خالص

درجة كده من درجات الحب

درجة عاليه اوووووووووووى

اى حد مكان الولد دا ممكن يقول وانا ايه اللى يقعدنى تحت رجل الهانم اربطلها الكوتشى بتاعها ,, ماتتنيل تربطه هيه ,, باحبها اه بس اتذل لأ

احب اقوله: يافندم انت اه بتحب ,,بس زيك زى العيل اللى بيذاكر كتيررر بس غبى وعمره ماهيجيب درجه عاليه ,, لأنه مش عارف اصلا طريقة المذاكره الصح

اهه انت مش عارف تحب صح

ومش عارف تحس الحب صح
لازم تحس ان اللى بتحبه اغلى منك لنفسك



كنت باخد
communication skills

والانستراكتور قال جمله عجبتنى اوىىىىىىىىىىى:

"Put yourself in the other person's shoe"
_____________________________________

وعلى النقيض تماما امبارح لما كنت راكبه الميكروبص

ورايا اتنين تقريبا جوازهم قرب

بس بالنسبالهم الجواز اتحول لصفقه

هيه بتقوله وهتكتب الصالون باسمى
وهوه يقولها مش هاكتب مش عارف ايه فى القايمه

وتقوله انا زعلى وحششششششش

وهوه يقولها لازم نحط النقط على الحروف

وجالى تليفون ونسيتهم

بس عوقبال ماخلصته كانوا الاتنين اتصالحوا وبيهزروا

واحتمال كبير جدا يتجوزوا

بس دول عملوا بالظبط زى العيل اللى مش عارف يذاكر اللى قولتلكم عليه

وحياتهم هتبقى نكد فى نكد

او ممكن تبقى هاديه من غير خناق

بس برده مش هتبقى مليانه حب

_______________________

تحياتى
:)

قررت اسيبك قبل ما تسيبنى

اتعودت اسمع اسمك كل يوم

دخلت فى حياتى بشكل مريب

باشكرك على كل لحظه حلوة عشتها معاك

مش عارفه ازعل عليك وانا باودعك ولا افرح انى هسيبك

خايفه اكتشف مع الوقت انك كنت اخف عليا من اى حد غيرك

بس عموما انا اقلمت نفسى على الوداع ومستعده خلاص انى مااشوفش وشك تانى

مش عارفه انت وحش ولا انت مجرد نقطه بداية ليا هتدينى دافع انى اتحرك وابقى احسن

مش عارفه اوصفك بانك حنين ولا غليظ

ايا كان وصفى ليك ... مش هتفرق لانى قررت اسيبك خلاص وانت كمان قررت تسبنى

مع السلامه ومش هتوحشنى

وسع بقى لألفين وحيداشر ينورنى

:)

شدتنى

كل مرة كنت باكتب بوست

كنت اقعد اكتب واكتب وبعد مااخلص ادور على الصورة اللى بتناسب الموضوع واحطها

وانا بادور المرة دى لفتت انتباهى اوى الصورة دى

حسيت ان النونو دا اللى لسه ملامحه مابانتش شايل هم الدنيا

ومامته اللى وشها مش باين دى انا حاسه انها مدارياه مننا ومن ابنها

مش عارفه هيه داخله ترمى همومها فالبحر؟

ولا بتتدارى من عيون الناس؟

جايز تكون بترمى نفسها علشان تتخلص من اللى بيألمها

او ربما هترمى ابنها قبل مايتعذب فى الدنيا دى

بس اذاى هترميه وهيه اصلا ماسكه فيه بايديها وسنانها

زى ماتكون بتقول ياعالم انا مش عايزه غيره م الدنيا

كأبتكم عارفه

بس الصورة وملامحها شدتنى فعلا

:)

ف ت ا ت

باحاول اجمع ماتبقى من فتات

:(

إلاااااااااااااااااااااااااااااااااا

عندما ادركت أن قلبى هو كل ما أملك

اقسممممممممت على ان لا أعطيه يوما
إلااااااااااااا اااااااااااااااااااااااااااااا
لمن يجعله أغلى مايملك

:)

منقول

Bad feeling

لما حتى اخبارك ماتحبش انه يعرفها
وتسأله بكل جرأ ه : هيه اخبارى اصلا هتهمك فى ايه ؟؟؟
موتت ولا عيشت دا مش فارق معاك كتير

واما تحس انه اتغير اوووووووووى
لدرجة انك محتاج نضارة علشان تتأكد إذا هوه ولا
حد تانى ماتعرفوش واقف مكانه

وانك ماتخافش عليه من جرح الناس
بعد ماكنت بتخاف تقوله كلمه عاديه جدا تجرحه ,,
دلوقتى بقيت على اتم استعداد انك تجرحه
,, ومش بعيد لو الناس جرحوه ادامك تقف وتسخر منه

وتقرر انك تقوله روح شوف حياتك بعيد عنى
,, انت مابقتش حبيبى ولا بتاعى
وبالنسبه للجرح اللى سبتهولى هاحاول اسامحك عليه وانساه

وفى النهايه تاخد اصعب قرار
واللى بيألمك اوى وانت بتقوله وانت متألم ومجروح اوى منه:

كل واحد يعمل اللى يريحه

يعنى خلاص احنا بقينا اتنين مش واحد
مابقيناش لبعض
انت ماتخصنيش اصلا
_____________________

بجد الله عليك ياعمرووووووووووووووووو

يهمك في إيه !
أموت ولا أعيش !

ده كلام ملكش

تسألني فيه

و هتقوللي إيه ؟ ؟

دا اللي بيتغير

أكيد

بيبان عليه

مين اللي قدامي

دا واحد معرفوش

مبقتش أخاف عليه

اسيبه أو اجرحه

عشاق كتير اتقبلوا

عادي مكملوش

و

اهو كل واحد

يعمل اللي يريحه

نفسك

تسمع ايه؟

شوية كلام

تريح ضميرك بيه

وهيفيد بأيه

روح شوف حياتك

جرح قلبي سامحت فيه

يهمك في إيه !

Allah

لا نعبد إلا ايااااااااااااااااااااااااه

مش عايزه مش عايزه مش عايزه

مش عايزة العيد يخللللللللللللللص
___________

مش عايزة أكل لحمة تانىى
___________

مش عايزة يوم السبت يجيى
___________

مش عايزة اركب مواصلات تانى
___________

مش عايزة الروتين يرجع تانى
___________

مش عايزة اتدايق ولا اكتأب تانى _________________________________

وفى النهاية مافيش اى مش عايزة من المش عايزات الكتير دول هتحصل

:(

حقيقه واحدة

مش كل سكه هنمشي فيها النجوم هتبان لنا

مش اي صاحب نساله السكه فين هيدلنا

ممكن نعيش وحدنا

ممكن نموت وحدنا

يعني مفيش في الدنيا الا حقيقه واحده

(ربنـــــــــــــــا)
و

Why not , RIRI ???

اولااااااااا : كل سنة وانتوا طيبين
,, وعيد اضحى مبارك عليكم
وياريت بعد اذنكم الناس الطخينه تسيب فرصه للرفيعين امثالى ياكلوا اكبر قدر ممكن من الخروف
جايز يبان فينا الرمق على رأيى والدى العزيز
هععععععععععع
_____________________
كنت من كام يوم باتكلم مع صحبتى وباقولها محتاجة اكتب فالبلوج بس محتارة اكتب ايه ولا ايه ولا ايه
قالتلى : اكتبى عنى ياموحة
فكرت شويه وبعدين حبيت ارد عليها هنا
وليه لأ ياريرى
مدونتى دى بتشهد كل حاجة جميله فى حياتى
وانتى حاجة حلوة اوى يااحلى ريرررررررررررى عرفتها وهاعرفها فى حياتى
كان واجب عليا اصلا اكتب عنك من زمان لأنك بجد صاحبة صاحبتك
والدنيا حطيتنا انا وانتى فى اختبارات ومواقف كتير
اثبتتلى انك صحبتى فعلا
كفاية انى بادور عليكى لما باكون فرحانه وبتدورى عليا لما بتفرحى
والحزن لايمكن يخرج مننا لحد غيرنا
ليه لأ ؟؟
ليه مااكتبش عنك وانا عشت معاكى ايام وشهور وسنين حلوة؟؟



يااااااااااه وحشتنى ياريرى ايام المدرسه واحنا كنا مع بعض
ووقت البريك اما كنا بنتخانق على اماكن اشرفنا
ويوم الحفله اما اتكرمنا مع بعض
باحبك ياريرى فعلاااااااااااااااااااااااا
وبعدين ياستى ماكفايه عليكى هارتى اللى ادتهولك
بس اول لما اتخطب ابقى ادى نص الهارت دا لخطيبى علشان مايكرهكيش
Really >>> I Love U

فضفضه ع الهامش 3

خلاص ماعودتش هاستخبى م الواقع

_____________



احسن حاجة فالحياة انها تكون بلا ندممم , مابقتش اندم على حاجة ولا على حد .. علشان بكل بساطه مافيش شىء ولا بنى ادم يستاهل الندم عليه , ولأنه لو يستاهل الندم بجد كان حس بقيمتك ورجعلك وبالتالى مش هيبقى فيه ندم عليه ...هعععععععع

_______________

كانوا بيقولوا عليا زمان انى عاقله ورزينه وانى اكبر من سنى

انا حاسه دلوقتى انى بقيت اعقل واعقل , واللى شايف غير كده مع نفسه بقى

برده هعععععععع

_____________

نفسى يبقى تغيير جذرى فظيععع فى حياتى

_________________

والله ما فاهمه حاجة بس ماينفعش اسأل هعع
____________

ماهو يوم الحد مش بعيد اوى يعنى
:)

لأجلك وحدك

طفله في الخامسه منْ عمرها

تسأل صديقها الذي يجلس بجانبها :

مـٍا هو الحب!

فيقول الطفل:

الـحـبُ هو أن تسرقي ڳل يوم قطعة الشوكولاته منْ حقيبتي

...وآّنــْآ أضعها ڳل يوم في نفسٍ المكان

.. لأجلك

على فكرة

أنا بقيت احسن كتيررررررر

مابلاااااااااااااااش

لو حتى فرقنا الوداع

لو حتى ضعنا فالهوا

مش برده ياحبيبى الضياااااااااع

احساااااااس هيجمعنا سواااااااا؟

:)

smile

بارسم الابتسامه

جايز تليق عليا

والناس يصدقوها

:)

:)

موحه فى رمضان

ناهيكم عن الرزه الحقيره اللى جوه ضرس العقل بقالها تلت ايام والوجع الغبى اللى حساه

وماحدش يقولى ازاى سيباها لانى قمت بكل الطرق والاساليب علشان اخرجها من ضرسى لتلاشى الذهاب الى الدكاتره المؤذيين بتوع السنان وخاصة لاننا فى شهر الصوم وماهينفعنيش باشا منهم يقولى هنخلع واقعد متعذبه من الضرس والعطش فى أن واحد

المهم دا مش موضوعنا

عزمت النوم بسبب المجهود الخرافى اللى باعمله فى يومى ونبهت على بيرسون بيرسون ماحدش يصحينى اتسحر ياجماعه

وإذا بصوت السيده الوالده :

سماح

ياسماح

ياموحه

سمووووووحه

ياسمممممممممممممممماح

انتى يازفته

وبكل ادب واحترام :

انا :

نعممممممممممممممممممممممممممممممممممممممممممممممممممممممممممممم

ماما:

قومى علشان تتسحرى

بنفس الادب :

والله العظيم ما هاتسحر

مانا قولت مش هاتسحر

روحى اتسحرى انتى

وتمشى ماما فى هدوء بعد كل الاذعرينا اللى كانت عملاها

دقيقتين ونفس الصوت :

سماح ياسماح

ياسماح

ياسماح

انا:

نعممممممممممممممممممممممممممم

ماما:

طب خدى ساندوتش الفول دا

انا :

انا قولت مش هاكل

مش هااااااااااكل

والله ماهاكل

ويتكرر نفس الحوار :

مره زبادى ومرة سندوتش جبنه

ومره بيضايه مسلوقه

ومره الشاى ابو لبن

ويعلو صوتى مرة بعد الاخرى

إلى ان تنتهى كل مكونات السحور فتضطر امى للجلوس

هعععععععععععع

تفوت مده حلوه والاقيها جيالى بالميه

وانا ماباقولش عالميه لأ

________________________________

دا باب السحوررررررررر

________________________________

انزل تانى يوم علشان رايحه مشوار للقسم علشان اعمل الفيش

برده ناهيكم عن الراجل الغريب اللى بيعمل الفيش

طبعا كنت محرجه جدا

اولا لانه بيمسك ايدى ويقعد يلطخها فى ماده سوده كده

ثانيا : لأنى بابقى شايله هم هانضف ايدى ازاى

ولكن لرحمة ربنا , لقيت راجل عجوز كده وابن حلال

نادى ليا وقالى انا هاصبلك الصابون دا وانتى ادعكى ايدك جامد

وبالفعل ايدى نضفت جدا والحمد لله

والمفروض وانا باشترى الورقه بتاعت الفيش , بامشى من ناحية الحجز بتاع المساجين

وفوجئت بمشهد ماشوفتوش قبل كده

الا وهوه المساجين والظابط بيديهم اوردرز :

اقعدوا عالارض ,, قوموا اقفوا ,, كله ايده على كتف زميله

بس شباب زى الورد

شكلهم مش متشرد ومبهدل ولا زى سواقين الميكروبصات اللى بنشوفهم

لأ اطلاقا ,, شباب زى اخواتنا وزمايلنا ,, منهم اللى لابس جينز على تيشيرتات

ومنهم بنطلونات باجى , يعنى فيه منهم كاجوال وكلاسيك

فعلا الكلبشات ماكانتش لايقه عليهم

بس الله اعلم بيهم , وباعمالهم

المهم انى المفروض كنت هاعدى علشان اطلع فوق

وعلشان اعدى لازم اعدى فالنص بين الشباب دول والظباط

طبعا كنت مرعوبه

وكل اللى فدماغى , طب ماممكن يكون حد فيهم محتاج يهرب ياخذنى اسيره

ويقول اللى هيقرب منى هاقتلها

(نظام افلام عربى يعنى )

لغاية لما الظابط اخد باله منى

راح مشاورلى جنبه ,, قالى اقفى هنا

رحت وقفت فى هدوء تام

ثم عزمت الرجوع

ركبت الميكروبص والناس موتىىىىىىىىىى

فعلا الصيام باين عليهم

ماحدش بيتكلم

مجرد اجساد تتنفس

غير بس راجل عجوز ربنا مديله الصحه كان ياعينى بيستظرف ومش لاقى حد حتى بيبن سنانه مجامله

حتى السواق اخد الفلوس ناقصه

وقال كده يبقى باقى اتنين

ماحدش رد عليه راح سكت واتبط

الناس تعبانه وعطشانه وعرقانه

الراجل السواق يقول حد نازل النادى ؟

يقوم ماحدش يرد

اول مايجى النادى يقوم تلاته نازلين

طب حد نازل الوادى؟

ماحدش يرد

ويجى الوادى يوقفه واحد وينزل

انا بقيت مستغربه حال الناس

دول حتى مش قادرين ينزلوا محطتهم

لغاية ماجت محطتى

الراجل قال حد نازل ابو سمره

ماحدش رد

اول ماجه ابو سمره

قولتله : ايوه هنا لو سمحت

راح مبحلقلى

كان ناقص يقول يامجانييييييييييييين

هععععععععععععععععع

المهم علشان كده طولت جامد

روحت البيت والساعه لسه تلاته

لا عارفه انام ولا اصحى ولا اتفرج على تى فى ولا اقرأ قرءان ولا اى حاجه

كل اللى حساه انى تعبانه ومدروخه وعطشانه

وغير قابله لاى حاجه

طبعا الاربع ساعات مروا عليا كأنهم سنه

إلى ان اذن المغرب

وشربت

والله المستعان

:)

ايووووحا

هابــ۩ــــ۩ــــى



رمضـــ۩ــــــــــــ۩ـــــــــ۩ــــان

فضفضه ع الهامش _2

باضحك اوووووووووووووووى بجد ومن قلبى

لما حد بيسألنى شكلك متدايق ليه؟؟ أو هوه أنتى متدايقه؟؟

لألألألألألألألأ إطلاقا هاطق بسسسسسسسس

اقولكم على حاجه بصراحه؟؟

انا مستغربه إنى لسه بابتسم فى وش الناس

ومعلومه كمان

انا فاشله

معلومه تالته بقى

فاشله فى كل حاجه

:(

اقوى من اى آلااااام

انا لو قلبـــــــــــــى هيحلـم بيك

هقتل جواه الاحلام

:(

Stop asking meee

هوه مين دا ؟

دا واحد كان معاصر لعصر انور السادات فبيحكى حاجات كتيره عنه

اهه بس مش غريبه انه لسه عايش؟

مانتى شيفاه مهكع وعجوز ازاى , وبعدين دى اعمار , بيد الله يعنى

هوه ربنا ازاى قادر يتابع كل الناس دى واعمالهم فى وقت واحد؟

قادر على كل شىء

ايوه يعنى ربنا عنده كام عين؟

ما اعرفش غير انه بيشوفنا من جوانا وبرانا , يعنى حتى ماتخفى النفوس

:)

هوه انتى ليه ما اتجوزتيش لغاية دلوقتى؟

بس انا مش كبيره اوى كده يابنتى

ايوه بس مياده اصغر منك بكتير واتجوزت , انتى ليه لأ؟

النصيب , لسه الحد المناسب ماجاش , وانتى بتشوفى بعينك اشخاص غير مناسبين

:(

هوه انتى ناويه تسمى عيالك ايه؟؟

مش عارفه , اما ربنا يكرم

هوه الفيل كبير اوى . صح ؟

اه طبعا ,, ضخممممممممم

يعنى هوه اكبر ولا الديناصور ؟

الديناصور انقرض

مانا عارفه بس ايه اكبر؟

اكيد الديناصور

هيه اسماء الامارات السابعه ايه؟؟

مش هاعرف منهم غير اتنين تلاته, مش فاكره الباقى

ايه بنجلادش دى ؟؟

دى بلد

وعاصمتها ايه؟

اسألى بابا او شريف

طب والعمله بتاعتها ايه؟

مش عارفه مش عارفه

طيب هوه ليه الثور بيكره اللون الاحمر بالذات ؟

جايز يكون فى فعينه موجات مابتتماشاش مع الاحمر , بس عموما عندك اميرة بيطرى جوه تسأليها :(

هما ليه حولوا نظام الحكم من ملك لرئيس؟

نزلت شروط جديده بتجارى التقدم , فقالوا يعملوا نظام حكم جديد

اربعتاشر سنه من الاسئلــــــــــه

اللى عماله بتسأل دى سارة اختى

والغلبانه اللى بتجاوب , تبقى انا

عايزه اقولكم ان دى والله نسخه مصغره من اسئلتها

تقدروا تقولوا انها مش بتسيب حاجه غير وتسأل فيها

ولا حد ف البيت غير وشغاله عليه اسئله

خلاصة الكلام البوست دا علشان انصح كل شاب وكل فتاه

عودوا ولادكم مايسألوش

ماتسمعوش كلام الدكاتره ف التليفزيون اللى بيقولوا كل ما العيل يسأل جاوبه علشان مايتعقدش ويتعود ع الوحده

وال ايه كل مايسأل كل مايبقى ذكى

الناس دى انا سمعت كلامهم وبقيت اسيب اختى تسأل لما طلع على دماغى انا

والدكاتره دول مش خاسس عليهم اى حاجه

:(

لولا الملامه

لولا الملامه ياهوا لولا الملامه

لافرد جناحى ع الهوا زى اليمامه

لأطير وارفرف ف الفضا

واهرب من الدنيا لفضا

ماكفاية عمرى اللى انقضى وانا باخاف مالملامه

واه مالملامه

:)

ضيـــــقه اوى

هافضل لغاية امتى جوه الحلقة المغلقة اللى حطيت نفسى فيها دى؟؟؟

:(

صغيرة ع الحب

كنت باسمع الاف ام بالليل واتشليت حيث الناس اللى بتحب والسلام
انا متهيألى انهم مش بيتنفسوا علشان يعيشوا

لأ خالص دول بيحبوا علشان يعيشوا
مثلا بت مفعوصه عندها 14 سنه عماله تقوله انا مش متأكده من مشاعرى يااسامه

عايزه اقولها قومى فزى يابت انتى هاتيلك كتاب ذاكريلك كلمة

ولا اقرى حاجه مفيده تنفعك
خيبه عليكى

والتانيه تقوله انا خرجت من قصه على قصه ومش عارفه انا كده باظلم التانى دا ؟ ولا لأ؟ لأنى مابحبوش انا بانسى بيه الاولانى
قالها اول حب طبعا ما بيتنسيش , قالتله دا مش اول حب , انا كنت باحب واحد قبل كده

قالها انتى كام سنه ؟ قالتله 19

هعهعهعهعهع
19 سنـــــــــــــــــــــــــــــــــــــــــــــــــــــــــــــــــــــــه

ايه البنات دىىىىىىى؟؟

وايه بقى عالم حب ف حب
واحد باعت مسدج : قول لمش عارف ايه مش عارف مين بيحبك وبيموت فيكى

والتانيه قول لمش عارف مين انى كرهته من تصرفاته وانى ماكنتش باحب حد اده
بس مش هانكر انى كنت اسمع عن اسامه منير دى انه هايف , لكن لما سمعت ردوده فى كذا حوار حسيته عاقل جدا , ومش مجامل

زى ماتخيلته
:)

المهم المزيج المعوق من الحب دا فكرنى بالمدرسه وعيالى بتوع سته ابتدائى
جيت ف مرة وانا باشرح اتكعبلت فى ورقه

بابص عند رجلى اتخايلت بحرف الحاء والباء


طبعا علشان ما الفتش انتباه العيال رحت مطبقاها وحطاها ف جيبى

غير انى برده خفت ما اعرفش اتصرف

لما خرجت بافتح الورقه لقيت الاتى :

حبيبتى هبـــه انى احبك , فهل تحبينى

نعم ...... لا ......, اعملى صح اودام الاجابه

طبعا اتعفرت مش من العيال ولا الحب ولا قلة الادب

لألألألألألألألألألألألألألألأ من الصيغه , حسيت انى ف امتحان دراسات اختار نعم او لا هههههه

باقول لمدرسة الدرسات لقيتها بتقولى اومال ايه ؟ دا من زمان وهبه دى بلوى وبت مش كويسه

انا اصلا مابحبش من الفصل دا حد قبل هبه

دى هيه الوحيده اللى بتجاوب وبتقفل الفوووووووووووول مارك

المهم روحت جبت هبه وقولت اعقلها ودى طفله وهتستوعب كلامى وهتخاف

اجى اكلم البنت الاقيها بتقولى انا اصلا مش بحب الولد دا وهوه حاول يكلمنى وانا رفضت

ومش هوه اصلا اللى ف دماغى

ومش عارف مين خرج ورايا ومشى ورايا لغاية البيت

وبابا شافنى مع مش عارف مين

انا حسيت ان معبودة الجماهير قاعده اودامى

ووقتها بس حسيت انى غير مرغوب فيا

هههههههه

ولقتنى بازعأ ف البيت بتاعة سته ابتدائى وباقولها اياكى اسمع عن ورق وحوارات من دى تانى

البت انتفضت من مكانها

ولولا اننا كنا ف اخر السنة وخلصنا المناهج

انا متأكده ان اخر يونتس دول ماكنتش هتفتحهم , لانها كرهتنى انا ومادتى

المهم وانا باحكى للمشرفه بتاعتى

لقتها بتقولى اومال ايه ,, دى هبه متفوقة الفصل والف من يتمناها

O_o

قولتلها اومال لو جبتلهم بنوته من فصل المتفوقين هيعملوا ايه ؟

قالتلى ولا حاجه هيحسوها كوبه ورخمه ومتكبره عليهم , غير انها مش هيكون لها ف الهبل دا , ومذاكرتها اهم حاجه

:)

فكرت شويه وفعلا دخلت احملق ف العيال بتوع سته اول

لقيتهم ياعينى البنات مش طايقين الولاد

وكل اللى يهمهم انهم يعملوا مسابقه ضد الولاد ويكسبوهم

والولاد بيكرهوا البنات وعايزين يبقوا التوب

حسيت انهم عيال نضيفه

ولاد ناس

مخهم صح

عارفين ان كل سن وليه متطلباته

وان الحب دا حاجه فرعيه جدا فى سنهم دا

ولمدة خمستاشر سنه كمان بعد سنهم دا

العيال دول هيتعبوا ف حياتهم كتير

على عكس التانين _ عارفين اللى ليهم واللى عليهم :)

انتى مرايتى

باشوف فيكى نفسى

ماتت

امتدت إليها يد الموت ....

فذهب ضجيج الحياة..

وبقى صمت القبور .

ء

لمسانى

إتخنقت

وطلعت كنت بضيع وقت

كان حلمى وهمي وانا صدقت

للأسف صدقت

إتخنقت

كان حلمى بيموتني ببطء

خلاني فقدت النطق

أحبطت وأتخبطت

انا ماوصلتش لحاجة من اللى حلمت بيه

سوء اختيار دة ولا سذاجة ولا ايه

انا ماوصلتش لحاجة من اللى حلمت بيه

سوء اختيار دة ولا سذاجة ولا ايه

رجعت للصفر من مكان ما بدأت

........

سكك فيها ناس كتيرة

والحلم ما اختلفش

في واحد شاف حقيقته

وفي واحد ماشافش

رجعت للصفر من مكان ما بدأت

......

إتخنقت

على اشكالها

الطيور على اشكالها تقعععععععع

يعنى اكيد مافيش نسر بيعجب ببطه وبيروح يرتبط بيها
ولا مثلا عصفورة صاحبت نسر

وحتى لو نفس الفصيله والنوع لازم يكونوا شكل بعض

يعنى لو صقر شايف نفسه شويه وانيق ومهندم
مش هيرتبط ولا هيصاحب صقره مبهدله وريشها مليان طين لأ خالص دا ممكن كمان يهزأها علشان كده بتسيىء لمنظر الصقور
:D

احناااااااااااااااااااااااااااااااا برده زيهم تمام

على اشكالنا بنقع

بننقى بعض حتى لو فين

ايام الكليه كنت ملاحظة الموضوع دا اوى

كان الناس الاستايل والدماغ يتلموا على بعض

والناس الوسط مع بعض والناس والناس والناس

و ف الشغل متقسمين برده لقبائل

ناس بتقاتل من اجل القرش ودول مصاحبين بعض

وناس مكبره للفلوس ومابتعملش حاجه غير عايشه حياتها دى قبيله تانيه

وناس وسط وبرده دول عملين قبيله

وناس تانيه شايفه شغلها اوى

وناس ماعندهاش ضمير

ودا حال الدنيا قبائل شبه بعضها

دا اجابة سؤال واحدة سألتهولى :

هوه انتوا ليه اتبهدلتوا كده بعد الكليه وناس كتير منكم اتفرقوا ؟؟؟

الرد بكل بساطه علشان مابقيناش شبه بعض زى زمان

مابقيناش اشكال بعض

فطبيعى جدا كل حد فينا يقع على شكله الجديد اللى يشبه

:)

مشى خلاص

هتصدقونى لو قولتلكم إن الحياه معاه مختلفه ؟

طب هتصدقونى لو قولتلكم انى باعيط عليه دلوقتى ؟

وانه واحشنى من دلوقتى ؟!

احكى الحكايه م الاول

من شهر ونص تقريبا , ابتدى البيت كله يستعد للحدث الجديد اللى هيحصل ف بيتنا

اه حدث جديد , يكسر الروتين اليومى الللى عايشينه

حدث جديد ينسى كل حد فينا اللى خانقه واللى تاعبه

زى بالظبط لو العيد داخل علينا مش هنجهزله؟
لو فرح حد من الاسره , مش هنجهزله ؟

حدث حلو اوووووووووووووى يعنى

كلنا كنا محتاجينه

وفعلا كل حد كان فيه حاجه شغلاه او مضيعه وقته ابتدى يسيبها ويتفرغ لأحسن حدث

الحدث دا يبقى :

احلى اخخخخخخخخخخخخخ ف الوجود

شـــــــــــــــــريف

تقريبا قعد اسبوعين , او اكتر كام يوم

بس كانوا حلوين اوى , كنت باصحى ادور عليه واطمن انه ف وسطنا

يااااااااااااااااااااااااااااااااااااااااه الغربه دى وحشه اوى

المهم انى كنت حساه بيولد جوايا الامل اللى بدأ ينكسر

كنت تايهه , وحاول يرسينى ع الطريق الصح

مش انا بس

لأ الابتسامه والفرحه اترسمت على وش كل حد فينا

زى مايكون كان ف ايده فرشه وشغال يقلب العلامه :( للعلامه :) ههه

وكنت حاسه بابا عايز يصرخ ف الناس ويقولهم سندىىىىىىىىىى اهوه

وماما كانت مبسوطه اوى

انا واميره وساره بيبقى واحشنا احساس الاخ اوى

وبعدين كفايه انه بيقعد يناغش فينا واحده واحده وهوه رايح وهوه جاى :)

اثر فينا كلنا

وزى كل مره وهوه ماشى قعد يوصينا على بابا وماما

ومشى انهارده

وكأنهم بياخدوا جزء من جسمنا يادوب مالحقش يستقر ف مكانه جوانا

مش هارغى كتير لأنى مش عارفه اعبر

:(

خدوها منى حكمه

1_

الحقيقه بكل مافيها , ماتخصش إلا صاحبها

___________________________

2_ مابقاش فيه صديق ... الاصدقاء ماتوا ف الحرب ... بس مش فى حرب اكتوبر ... لأ حرب المصالح

بس لسه فى ناس بتحب من قلبها بجد :)


__________________________

3_نصيبك هيصيبك ولو فين ... زى ماكان بيقول حلمى إن الواقع ممكن نغيره لكن القدر او النصيب مكتوب علينا
:)

__________________________

4_مافيش اى بيت او شركه او اى حاجه ف الدنيا تقاد بشخص واحد إلا وبتدهور

لأن بكل بساطه ما واحد إلا الله

(قالهالى اخويا ) ه

___________________________

5_ سرك تخليه جواك ..... دا لو حد صحبك قالك سر عمرك ماهتقوله ... بقى بالذمه مش عيب تدارى اسرار الناس وماتعرفش تحفظ سر نفسك
:s


___________________________



6_ اخر واحدة بقى وعارفه ان ماحدش هيفهمها , بس هيه حاجة فى نفسى ومحتاجه اقولها من غيظى

لو متغاظ من حد اوى قوله جواز صالونات

جواز صالونات

صالونات

صالونات

:P

هع هع

هموت من كتر الضحك

:D

كاظم قال

ابكــــى

ولا احد يرى دمعاتى

:)

طب ايه ؟؟

هيه هتضــــــحكلى ؟؟

ولا هتضحك عليا ؟؟

:unsure:

:)

للطرح مآرب كثيره

ركبت من كام يوم المترو

تقريبا من ساعة لما خلصت الكليه

وانا بقيت استبعد جدا مواصلة المترو دى من دماغى

اى حاجة تانيه ممكن توصل اسهل بمراحل

ديما لما باخرج باركب ميكروبصات مع صحابى او مينى بصات

واخر حاجة بنفكر فيها المترو

المهم شاء القدر انى اركب المترو

كل وقتى فيه لم يستغرق نص ساعه

بس شوفت حاجات غريبه جدا

ماكانتش موجوده على ايامى طبعا

كان وقت خروج الطلبه من امتحاناتهم

ومش هانكر انهم اصغر منى بكتير , بس اتعلمت منهم كتير كتير كتير

واهم شىء اتعلمته ف النص ساعة دى



, استخدامات الطرحه



المفروض انها على ايامى
, كانت مجرد بتتلبس ع الشعر علشان تداريه
انا واقفه فى حالى لقيت واحدة داخله ومعاها اربعه صحابها

, والخمس بنات حاطين جوه الطرحه من ناحية خدهم اليمين التذكره

مش عارفه ليه اشمعنى اليمين

, بس عموما فعلا دا اقتراح عظيم جدا

اومال يشيلوها فى ايدهم زينا زمان

وتعرق وتتبهدل

او مثلا ف جيب الشنطة

وتتلغبط مع الفلوس ونقعد ندور عليها

دا اول استخدام للطرحه

شويه وبابص على بنوته عسوله كده
, لفت انتباهى اوى لون شعرها اسود غااااااااامق جدااااااااااا
, انا باحب اللون دا اوى ف الشعر
, وطبعا كوياه وعملاه أصه عسوله
, ولابسه طقم اعسل بنطلون لبنى وبادى ابيض

وطرحه عملاها كوفيه عند رقبتها وهنا يظهر تانى استخدام للطرحه

, وطبعا الاستاذه قاعده عماله تظبط ف شعرها

وعلشان مرهقه من الامتحان راحت سندت راسها ع الشباك بقت دماغها كلها بره

, وشعرها بيطير , ولونه يهبل انا بقيت خايفه حد يشده ويجرى

المهم الهانم جت المحطه بتاعتها

, راحت واقفه عند الباب وعملته مرايه
, وابص الاقيها شالت الطرحه من على كتفها , وال ايه بتلبس الطرحه على شعرها

اومال مالها كانت واخده راحتها وقاعده بشعرها كده ؟

علشان عربية سيدات يعنى ؟؟؟؟؟

طب مافى محطات , والولاد هيشوفوها ,

ربنا يهدى بجد

ودخلت واحدة حاطه جوه الطرحه الموبايل من نفس الناحيه اليمين

وبتكلم عمو خطيبها , وعماله بتزعأ فيه

, وانا مركزه جدا



وبكده تظهر تالت فايده للطرحه فعلا كان ممكن ايدها تعرق من الموبايل
, او ماتعرفش تمسك ف الماسوره
الجيل دا واضح انه احسن من جيلى

وكان فيه اربع بنات , فهمت من حوارهم

انهم قاعدين ف المدينة الجامعيه

, وراجعين من الامتحان

, كان صعب لأنهم اول لما دخلوا

, كانوا مقشرين , فصحبتهم قالتلهم يابنتى انتى وهيه كفاره

, المهم اننا هنروح بيوتنا

ونتخلص من المدينه

وشويه وفكوا اووووووووووووووووووووى

واحدة شغلت اغنية عقيمه جدا بتاعت فريد الاطرش وشاديه

, مش فاكره اسمها , لما كانوا متدايقين من بعض وعاملين نفسهم بيحبوا بعض

المهم البت شغلت الاغنية من هنا والساده المتضايقين

بقوا شغالين رقص هيستيرى

, بلا مبالاه كل دا غريب طبعا

, بس الاغرب ان واحدة منهم طلعت من شنطتها طرحة

وراحت ربطاها ف وسط صحبتها وهاتك يارقص

, والدنيا بخيررررررررررررررررر والله




وهنا برده ظهرت رابع فايده للطرح

بس الغريب اوى بجد انى كنت انا بس اللى باتفرج

, انا بابص على الريأكشنز بتاع الناس حواليا

, عادى جدا

المنظر فاميلير بالنسبالهم جدا

, مش بيبصوا حتى على البنات


اللى بتقرأ ف المصحف عادى
واللى بتبص من الشباك
واللى معاها كتاب
واللى سرحانه
واللى بتتكلم فون
واللى بتنام

كأن انا اللى اوفر انى باتفرج ع الخلق دى ومستغرباهم
بجد اعوووووووووووووووووووذ بالله
انا حاسه انى فلتت بجد

1_ فضفضه ع الهامش

باكلم نفسى

فرحت لما لقيتها ما اتغيرتش , ولسه زى ماهيه ,
حاكم بقالى فترة باعانى من النفوس اللى بتتغير ,,,,,,,,


ارتحت لما اتكلمت معاها
, رغم كل صحابى اللى حواليا . بس كنت بقالى فتره قافله ع اللى جوايا ما باحكيهوش,,,,,,,


قعدت تتكلم كتير معايا وانا اتكلم كتير , كنا محتاجين نرمى همومنا على بعض,,,,,,,,,,


وفيها ايه مانا ياما زعلت وداريت,,,,,,,,,,


كان نفسى ماتتنازلش علشان التطوع مايتحولش لواجب,,,,,,,,,,,,


مابقتش احب حد يشاركنى احلامى,,,,,,,,,,,,,,


بقالى كتير ماشوفتكيش مبسوطه
, كنت قربت انسى شكل ضحكتك ,
يارب ديما,,,,,,,,,,,,


ياريت بجد علشان ارتاح.,,,,,,,,,


هدوء ماقبل العاصفه .. ياخوفى ,,,,,,,


قاولونى تاعبنى ,
مع انى مش متعصبه خالص , زعلانه بس
:)