فرااااااااااااااااااااااااااااااااااااااااااغ

زهقت شوية لأ شويتين أو جايز تلاتة من بيتنا , من احساسى بأنى بلا هدف , وإحساس الاخرين بانى بطيخة قاعدة بتاكل وخلاص

,

وبخاصة انى زهقت من روتينى اليومى , اصحى اقعد اكنس وانضف فى الشقة المنيلة التلات اوض

,

وكل اوضة يمشى فيها سبع حصنة وتوخان كمان , دا ساعة الترويق بس اللى بتكبر , وبعد لما اروق ويادوب أجيب ليا طبق اى حاجة امزمزه واسلك بيه سنانى عوقبال لما الاكل الرئيسى يتعمل

,

الاقى ماما بتقولى املى الكولمن علشان بابا يلاقى ماية لما يرجع وما يزعقلكيش

وانا مالى انا يزعقلى ليه , هوه كل اللى يحب يزعق فى البيت دا يلجأ ليا انا ؟؟؟؟؟؟؟؟؟؟؟؟؟

المهم بابا بيدخل من الشغل ,,,,,,وانا براعى جدا البنى ادم اللى بيشتغل , لانه فعلا بيتعب وانا جربت , بس بابا بقى عصبى بشكل يعصب الاسد البارد

اول لما يدخل يقعد ساكت , اكيد بيفكر فى حاجة تنرفزه علشان يزعقلى , ممكن مثلا والله بجد , يقعد على السرير اللى انا لسة مروقاه ,

ويروح نازل بالملاية فتقوم تتبهدل , مزاجه كدة بقى , ويقولى ال ايه ((( يامووووووووووحة تعالى روقى السرير دا شكله منرفزنى))هأ

ويااه لو فكرت اتنرفز ولا اتعصب , جززززززززززززى ياموحة على لسانك علشان صوتك مايطلعش ( انا بكلم نفسى لإنى بترعب من بابا ) ه

المهم انا اصلا قعدة البيت ديما لما بتطول بتنرفزنى , بس ديما كنت لما اوصل لأخرى كدة فى الفترة دى يقوم يجيى المصيف
قعدتين اكلم فيهم البحر وبابقى تمامممممممممممممممممممممممممممممممممممممممممممممممم لأقصى حد

طيب المشكلة بتكمن فى انى مش رايحة بحار ولا جبال السنادى

فقررت ادورلى على مكان مهجور بلا بشر

, ( ويكون فيه هواء نفى يخبط فى دماغى واقول ( تش

اول لما سمعت إن تاتا هتصيف , قولت بسسسسسسسسسسسسسسسسسسسسسسس دى فرصتى , اروح اقعد لوحدى فى بيتها الللى اوضه كتير ماتتعدش دى , وبيتها طالل على حديقة والبلكونات برده كتير والشبابيك وفرص الحرامية فى الدخول عليا مية مية

ووووووولكن هل سيوافق ابىىىىىىىىى؟ هذا ما سنعرفه فى الحلقة القادمة (( طولت عليكم بغباااااااااء فقولت ارحمكم شوية من رغيى , واكمل البوست الجاى)) بس

مفجـــــــــــــ(ياموحة)ــــــــــــوعة

اكتشفت شىء شنيع جدا فيا

انا بموت فى الاكل

اموت فى الجمبرى

والله على الكشك

ياحلاوة على المحشى الكوسة والبتنجان والبطاطس والفلفل وورق العين وياجمال الكرنب

بعشق البشاميل بكل انواااااااعه

ويااااااااه على طاجن المكرونة بالصلصة

والبيتــــــــــــــــــــــــــــــــزا

او طاجن البطاطس او بطاطس الصينية وهيه مجلدة كدة على الوش ولسة خارجة من الفرن وعضم اللحمة الضانى من فوقها مشوى ومجلد برده

واسألونى بقى عن جمال السبااااااااااااااااانخ الساحر

والملوخية وهيه لسة اهيه طالعة من على النار

اللوبية والفاصوليا البيضة

شوربة الخضار وشوربة البطاطس بالتوم وشوربة لسان العصفور وشوربة الارنب

ياجماله الارنوب مسلوق او متحمر والفراخ والبطة والديك الرومى

الكفتة واللحمة المشوية والطرب والفراخ البانيه واللحمة الباردة والبرجر والشاورمة

بس بقى كفاية علشان شكلى جعت ياناس

عايزة الفت انتباهكم لإن وزنى 50 كيلو دا ساعة لما بيكون عالى اوى , يعنى المعتاد 45 علشان الحسد بس ربنا يحفظنا

اه قبل ماانسى اياك حد يتقرف من بق البنت اللى فوق دا , دى كفاية ضحكتها السكر دى وهيه بتاكل

وعلى رأى الست الوالدة : بس انتوا ابقوا هاتوا ضوفرها

انــــــــــــــــ((((((((وهى ))))))))ــــــــا

انا هاقفــــــــــــــــــــل الكومنتس هنـــــــــــــــــــا

بس هيتفتح هنلك

اه باركولى عملت مدونة جديدة

بس المرادى مش لوحدى

((((((((((انا وهى ))))))))))))))

اتمنى انها تعجبكم

يلا الكل يروح يبارك ويهنى هناك

Cold air

طبعا انتوا عارفين انى باحب اسمى البوست اللى فيه تاج باسم اللى حدفه عليا , ودا لاسباب عديدة اهمها , انى بانتقم منه علشان الناس اما هتشوفه بلوجر شرير وبيحدف تاجات على الناس الغلبانة امثالى مش هيعتبوله بلوج , ودا هدفى الرئيسى , إن البلوج بتاعه يتهجر وماحدش يدخله , يقوم يتجنن ومايدخلش تانى وبالتالى نخلص البلد من الناس اللى بتحط التاجات كلها هههههههههههه

__________________________________________

طبعا لازم التاج عندى يبقى سبيشيال عن عند اى حد ولذلك قررت انى اخلى هدية على كل صفة هاكتبها صورة , وهما ستاشر صفة , يعنى 16 صورة , وربنا يعينى والاقى صور على اد صفاتى التاج بيقول :

_________________________________________

الأول : اذكر 16 صفة من صفاتك
الثاني : مرر الواجب لمن تحب

__________________________________________

1. جبانة : بمعنى انى بخاف ادخل اى تجربة , الناس كلها بتتلسع من الشوربة تنفخ فى الزبادى , وانا بقى باعرف منهم هوه ايه اللى بيلسع واقوم نافخة فيه من قبل ما اشربه , بس دى صفة وحشة على فكرة , لأنها منعانى من متعة الدخول فى تجارب ومتعة الفشل ذات نفسها.


2. خوافة : لأ بس هنا خوافة بمعنى انى بخاف من خيالى , يعنى ممكن اكون قاعدة على السرير وخايفة يطلعلى من تحته عفريت , مش عارفة هاقعد فى يوم فى بيت لوحدى ازاى




3. بحب اغمض عنيا , بس مشكلتى انى بخاف من الضلمة



4. عصبية جدا , ممكن اصبر كتير , لكن لما باتنرفز باتعب بعدها وممكن ادوخ كمان ويغمن عليا وهيصة ههههههههه





5. باعرف اتحمل المسئولية : الموضوع دا اكتشفته لما بقيت مدرسة , ومنها رجعت بالزمن لورا ولقتنى فعلا ادها وادود




6. إرادتى قوية : اكتر موقف اكدلى الموضوع دا لما كنت عيانة وباموت , وماكنتش باروح الكلية ,وذاكرت فى الاخر ونجحت الحمد لله





7. مش هقول على نفسى غامضة , بس ممكن نقول مش سهلة





8. متفائلة فى زمن لا يعرف التفاؤل , وبعتبره عيب مش ميزة






9. لوك لوك , رغاية يعنى , بس مع اللى اعرفه بس




10. ساعات بابقى شريرة , وساعات اطيب منى ماتلاقيش ( على حسب الموقف ) ه





11. بحب اوى اسحب الكلام من اللى اودامى لما بحس إن الفضفضة هتريحه , وباكتم الاسرار الحمد لله



12. بحب قعدة البيت اكتر من الشغل , بس لما بطول باحس بملل وقلة الحيلة وانى بلا هدف




13. ممكن حاجات هبلة اوى تخلينى اعيط من كتر الخجل , واما احكى لحد يقولى الموقف مايستاهلش



14. بقدر الصداقة جدا , وعشرية لأقصى حدود



15. مش سطحية بحب اتعمق





16. بموت فى النوم , وبكره التعب , بس لو مضطرة بتعب
    

السؤال التانى : اللى عايز التاج يخده , بس رغم انه كان تقيل على قلبى اوى , بس فعلا خلانى افكر انا فيا ايه , جايز اكون منه اتعرفت على جوانب شخصيتى المتغطية

زحمــــــــــــــــــــــــــــــــه

البوست المرادى هتحسوه غريب شويتين وزحمة ,, اصلى عايزة اخد رأيكم فى حاجات , ومحتاجة احكى وافضفض عن حاجات واسألكم كمان عن حاجات

__________________________

أولا ...............................

لو اودامك خيارين والخيارين اوحش من بعض هتعمل ايه ؟؟؟ والمشكلة انك مش اودامك غيرهم يعنى يا دا يا دا

_____________________

ثانيا .......................

عايز تشترى شوذ , واودامك واحد خرافة موت ماشفتش حد لبسه قبلك ولا هيلبسه بعدك من كتر روعته بس غالى عليك شوية , وإن كان تمنه ممكن يجيى بس بعد فترة وتعب اوى منك , ولو سبته فهوه بيغلى كل يوم عن اليوم اللى قبله , دا إذا اصلا لقيته بعد كدة ,,,,,,,, واودامك واحد تانى عادى جدا مش وحش ولا حلو يعنى , الناس كلها بتجيب منه وعلى اد فلوسك بالظبط , على فكرة المسألة مش مسألة طمع خالص , الحكاية حكاية فرص , وقليل لما الواحد مننا بيلاقى فرصة , هتختار اى شوذ من الاتنين ؟؟؟( المسألة مش مسألة شوذ خالص دى كنايات وحاجات كدة يعنى ) على فكرة اراءكم هتفرق معايا كتير فى الموضوع دا

__________________

ثالثا.......................................

ماحدش يعرف مركز تعليم قيادة السيارة ويكون اللى بيعلموا فيه بنات ويكون قريب من عين شمس ؟؟؟

__________________

رابعا ..........................

هوه سؤال محرج شوية وماليش علاقة بيه , بس انا حابة احرجكم ,,,,,,,,,,,,, بتصل رحمك ؟؟؟؟؟؟؟؟ يعنى يوم ماهتموت كل قرايبك كبير وصغير هيفتكرك باستمرار لأنهم اتعودوا على سؤالك عنهم؟؟؟؟؟؟؟.بتروحلهم فى المناسبات واعياد الميلاد وبتتصوروا وكدة؟؟؟؟؟؟؟؟؟؟

_______

............السؤال دا انا بسأله لأنى طقيت وزهقت من قرايبى , ياما كنت بسأل عليهم , بس لما تسأل كتير , وتيجى تلاقيهم ماحدش بيسأل

,,,,,,,,,,, يوم لما عمتو ترفع السماعة واسمع صوتها تقولى ادينى بابا كأنها لشسة كانت مكلمانى من تلت دقايق مثلا ,..................وياريتها بتسأل عليه , لأ إطلاقا عايزة مصلحة مثلا تلاجة لبنتها وعايزاه يقولها على الماركات الحلوة وتجيبها اذاى ؟ انا متهيألى اننا افراحهم بنعرف مواعيدها مع الاغراب , يعنى بنبقى محطوطين كدة فى ليستة اللى هيتعزموا , مش زى اى عيلة فى الدنيا يقولوا ويحكوا ويستشيروا من قبلها .. دى مش علاقة بابا بااخواته بس اللى وحشة , لأ هما كل حد فيهم علاقته بالتانى بقت سطحية موت , كله بقى يقتصر حياته على ولاده وزوجته وخلاص , ,,,,,,,,//////////////

وعيلة ماما كانت مترابطة اوى برده لما خالتو كانت معانا , من ساعة لما توافاها الله والعيلة بعيدة عن بعضها برده , كنا على طول عندها وهيه على طول عندنا , كانت كل لما تعمل محشى تطلبنا , وتقول تعالوا المحشى اتعمل , وكانت تموت فى السمك يوم مانحب نجيبها نروح عاملينه(( الله يرحمها )) , من يوم لما ماتت وانا بقيت اروح عند تاتا ,,,,,,,,, اقعد افكر انا هاروح عند مين , تبقى جنبى بتاع سبع بيوت لاقاربى وانا مش عايزة اطلع عند حد فيهم

انتوا كدة برده ولا احنا بس اللى عيلة مفككة؟؟؟؟؟؟؟ :(

________________

خامسا......................

اقروا قصة الحب دى تحفة وعجبتنى موت كانت مبعوته فى اوفلاين مسج :

Once upon a time a bird fell in love with a white rose. One day he (bird) proposed to her (white rose), but white rose refused. White rose said I don't love you. Bird daily came and proposed to her. Finally, white rose said when I will turn red, I will love you. One day bird came and cut his wings and spread his blood on the rose and the rose turned red. Then the rose realized how much bird loved her but it was too late because bird was dead. So respect the love and feelings of the person who loves you