عروسه المولد

عروسة مولد دى ولا مش عروسة مولد يامتعلمه يابتاعة المدارس

جبتلك العروسه اهو مسمعش صوتك تانى بقى ^_^

ya naaaas

للموت علينا حق

ياترى يوم مايجى اليوم اللى هاموت فيه , الناس اللى بيحبونى هيقعودوا يدعولى , 

وباستمرار هاجى فى بالهم , ولا يومين تلاته عشرة 

سنة وهينسونى 

ياترى هيجولى يزورونى كل فترة فى قبرى ؟؟ وبقية الاموات يقولولى كذا جالك وافرح اوى

 ولا جايز الدنيا تاخدهم واشغالهم متديهومش فرصة يفتكرونى 

وماكينة الحياة تدور بيهم 

ويادوب كل فين وفين لما يفتكرونى ويقولوا ربنا يمسيها بالخير

وفعلا ربنا هيمسينى ان شاء الله بالخير وهيسمع لدعوتهم الغير مقصوده دى لمجرد انها كانت من القلب

ياترى هيكون فيه شوية علم ولو صغيرين عند الطلبة بتوعى ينتفعوا بيه ويشفعلى ؟؟

ولا هاكون اصلا اتجوزت وعندى اولاد صالحين يدعولى 

عموما لو زعلت اى حد او قصرت فى حق حد .. انا اسفة والله ماباتعمد خالص .. ولو عملت كده يبقى غباء منى علشان الدنيا كلها على بعضها ماتستاهلش 

مش عارفة بس هيه هواجس داخلية وباخرجها علشان ماتكبرش جوايا 

(اللهم ارزقنى حسن الخاتمة )

waiting........

الدنيا عبارة عن فرص وضربات حظ

  ومافيش حد فينا مابيجيلوش الحظ ... دا مكتوب لينا وبيدق على بابنا كلناا 

بس الفرق فى التوقيت اللى بيجى فيه الحظ 

فيه شخص بيجيله الحظ بسرعة اوى ومن غير لا تعب ولا مشقة ولا اى اجتهاد 

ودا شخص عيشته مرتاحه وزى ما بنقول عليه :

بيضاله فالقفص

والشخص التانى الحظ لسه جايله فالطريق..حظه بطيىىىىىىء .. واودامه سكة سفر طويلة اوى 

واودام الشخص التانى دا حل من اتنين 

• اما انه يستنى ويصبر على الحظ لغاية لما يجيله ... بس هيستنى كتير اوى .. والشخص دا لازم يكون عنده صبر وايمان بإن الحظ جايله جايله .. لأنه فعلا هيجى بس متأخر شوية .

• او انه هيمل من الانتظار وصبره هينتهى و هيتراجع وهيخسر كل حاجة وطبعا هيبدأ يقوم بخطوات جديدة ومشوار جديد خالص .. وههوه وحظه فالمشوار دا اما ان الصبر هيجيله بسرعة او برده هيستنى 

ومن وجهة نظرى انه حقه يزهق من الانتظار ويمل من الصبر .. وانه شخص مظلوم ومتداس عليه كمان ... لأنه مهما اجتهد وعمل اللى عليه .. حظه متأخر وناس غيره كتير اودامه اقل منه فالامكانيات والقدرات والمجهود وماعملوش ربع اللى هوه عمله .. بس حظه كده بطيىء .. وهما حظهم اسرع منه .. وماجربوش ذل الصبر وملل الانتظار واحساس الجرح اللى هوه حسه 

نماذج كتير اوى من النوع دا انا شيفاها بعنيا ومعايشاها وبجد مش لاقيه حاجة اواسيهم عليها ... بس اواسيهم اذاى اذا كان انا نفسى فيه فرص فى حياتى الحظ متأخر عليا فيها .. وصبرى مش قادر يطول عن كده .. وبافكر اتراجع ... حتى لو هابقى خسرانه  

:(

2013

2012

 

مش عارفة ألاقى وصف ليكى .

 لما قعدت افتكر ذكرياتى لقيت انى قابلت وعرفت ناس لايمكن هيتعوضوا ولا هاقابل زيهم تانى ,, ودماغى مليانه بذكريات حلوة اوى مرتبطة باشخاص واماكن معينة عمرى ماهاعرف انساها ابدا

 

كفاية انك اول سنة اشوف نفسى فيكى عروسه ... مش بس كده .. دا كان جنبى احلى عريس فالدنيا

 

وفيكى حياتى اتملت باحلى حاجة باحبها فالكون (الورد) :)

 

واما بقيت باضحك بقيت باضحك من قلبى

 

اتطمنت على اخويا وحضرت كتب كتابه

 

من اسوأ احداثك وفاة تيتا مامت بابا ومامت ماما :(

وحصلى حالة لا مبالاة لأى حاجة بتحصل فالبلد

ومابقتش عارفة مين المفروض يكون فين

وكرهت كل حاجة فالسياسه

 

 

2013

 

ربّي أسألك عاماً لا تزوره أحزان ولا أفقد به أحباب . . [♥] 

 

 

respect the love and feelings on time

Once upon a time a bird fell in love with a white rose.

 One day he (bird) proposed to her (white rose), but white rose refused. 

White rose said I don't love you. 

Bird daily came and proposed to her. 

Finally, white rose said when I will turn red, I will love you. One day bird came and cut his wings and spread his blood on the rose and the rose turned red.

 Then the rose realized how much bird loved her but it was too late because bird was dead. 

So respect the love and feelings of the person who loves you on time.

______________________

لازم نحس ببعض ونحترم مشاعر بعض فى الوقت المناسب 

لو اتأخرنا بجد مابيكونش للاحترام دا اى طعم 

really :)

Stop tiring me

Dear tears , troubles , problems and pains , 

Please go out of my mind when I put my head on the pillow.

Really  I need to sleep ,my dears  :(

حاسس بيكى

انا كمان عايز اخد فاصل 

ايوه عايز اخد نفس الفاصل

فاصل من الشغل ومن الصحاب ومن المصالح ومن النفاق
فاص من الناس كلها

الا انتى ياسماح 

نفسى افضل معاكى اطول وقت ممكن

ونفسى افضل ابص ف عيونك دول لحد ماشبع 

انتى اصلا متعرفيش بصتى ف عيونك دى بتعمل فيا ايه 

عارفه انتى الغرقان اللى بينقذوه ف اخر لحظه وبيدوله قبلة الحياه ؟؟؟

بصتى ف عيونك هى قبلة الحياه. 

10_ فضفضة ع الهامش

 

 

محتاجة فاصل وراحة من الحياة ومن النفس اللى باتنفسه والروتين اللى اتخنقت منه

___________________________

 

مش عارفة اخد القرار دا وخايفه منه بس انا فعلا مليت وتعبت

___________________________

 

عايزة اخد اجازة مش اكتر من 5 ايام واعيش مع نفسى ولنفسى وبنفسى وبس ... بجد مش عايزة اشوف ضل بنى ادم فالفترة دى وساعتها فعلا هارجع سماح تانية خالص

___________________________

 

عايزة اى تغيير ايجابى يحصلى فى حياتى بقىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى

___________________________

 

نفسى اقرب اوى من ربنا زى زمان واستشعر حلاوة الايمان واقعد اسهر على السجادة وانا باقرأ قرآن وقلبى يهفهف واحس ربنا بيقولى انا معاكى ومش ناسيكى ... يارب اهدينى وقربنى منك

___________________________

 

بقالى كام يوم عايزة افضفض واكتب بس كل مااجى اكتب اتراجع علشان عايزة لما افتح المدونة اول بوست تقع عينى عليه يبقى بتاعك ياحازم

 :)

_________________

 

زعلانة اوى عليكى يابلدى وعلى ولادك .. عماله بترجعى ورا ... وكله بيلعب بيكى .. ماحدش حاسس قيمتك .. بقيتى زى فار التجارب اللى كل واحد بيلعب فى هرموناته ويقطع فى جلده ويشوه فى جسمه لغاية مايدوخ ويقع يموت ... لو فضلتى فار اكتر من كده ... يومك هيقرب اوى يابلدى :( 

 

 

الطريق لقلب الراجل معدته

 صدق اللى قال الطريق لقلب الراجل معدته

النهارده كلت من ايديكى احلى صينية مكرونه بالباشاميل :)

يوم ماكنا مروحين من الشغل

يوم ماكنا مروحين من الشغل احنا الاتنين ومكنش معايا غير اتنين جنيه ساعتها قعدنا نفكر مع بعض هانروح ازاى ونعمل ايه بالاتنين جنيه وف الاخر جبنا كيسين تيتا نانا :) 

وانتى دفعتى حق تذكرتين المترو 
ساعتها كنت فرحان اوى وكنت حاسس اننا احنا الاتنين فعلا واحد بنفكر مع بعض وبنمشى حالنا باللى معانا

بحبك اوى على فكره

Hazem Saad 

شغل شغل شغل

 

يخربيت الشغل اللى يبعد الواحد عن صحابه وناسه وحبايبه اوى كده

بيج اوف على دا شغل معفن

Don't forget

the flower's day                   1/02/2012

formal message                     5/02/2012       

    no smoking celebration            9/04/2012

love word                               12/04/2012

 engagement                           1/06/2012      

  team leader                             1/08/2012    

Waiting for more and more 

...............................loading 

9_ فضفة على الهامش

بحاول اتعلم انى افصل بين اى حاجة مديقانى فى شغلى وبين حياتى الطبيعية وإلى حد كبير بدأت انجح .. وادينى قاعدة اهوه وبمارس حياتى وباضحك وفرحانه ولا اى شغل فالدنيا يأثر عليا

 

__________________________________

 

باكره الفراغ والهيافة والدماغ الفاضية .. والله مافاهمه هوه انا اللى عاقلة زيادة عن اللزوم لدرجة اكبر من سنى ولا هما اللى هايفين زيادة عن اللزوم لدرجة لا تطاق

 

__________________________________

 

قررت اتحدى الواقع ومااضعفش اودامه واهاقعد على قلبهم إلى ان يتغير الواقع المرير بفعل القدر مش بقرارى انا

 

__________________________________

 

بحبك اوى لما بتنافقنى وتقولى جملة جامدة عليا تعجبنى اوى .. اقوم اقولك بطل نفاق .. الاقيك بتحلف ومتمسك اوى بانها مش نفاق واللى يشوف وشك يقول عليك بتتكلم بجد ويصدقك .. حتى انا كمان باصدقك .. ورغم انى عارفة انك بتثبتنى بأحب اوى اللحظة دى وبافرح بالكلام اللى قولته وباتنفخ واترسم وااخد وضعى :)

 

___________________________________

 

بقيت باحس انى باحقق احلامى وطموحاتى فيك انت .. مش فيا .. مابازعلش اما بارجع لورا ... بس باحزن لما انت اللى بترجع .. ومابافرحش اوى لما باطلع لاودام اد مابافرح ليك اما بتطلع 

 

 

  

Angry

حاجة زفت بجد

على فكرة بقى

مجرد وجودى معاك بيفرحنى اوى

 ♥ ♥ ♥

happy

ربنا يسعد قلبك ياأحلى اخ 

انا

عبيطــــــــــــــــــــــــــــــــــــــــــــــــــــــــــــــــــة

وبيتضحك عليـــــــــــــــــــــــــــــــا 

وبأتراضا بسرعـــــــــة 

:(

يامجانين

عميل يبدأ كلامه بكده : 

انتوا اصلا شركة حرامية وزباله وبتخصموا منى كل يوم فلوس من غير سبب وخداماتكم زى الزفت والشبكة منيلة بنيلة وعايز تمن 

المكالمة لخدمة العملا اللى باتكلمها دلوقتى لان دى مشكلتكم انتم 

عميل تانى : 

انا ياستى يشرفنى انى احول من الشركة التانية لشركتهم .. ايه المطلوب منى؟

عميل تالت فى اخر المكالمة :

استاذة سماح بعد اذن حضرتك اعمليلى شكوى فى حضرتك دلوقتى !!!

عميل رابع برده فى اخر المكالمة : 

انا اللى سعيد انى كلمت حد محترم زى حضرتك وانى تابع لشركتكم 

عميل رابع ::

انا هاروحلكم الفرع حالا اكسره فوق دماغكم واحد واحد .. وهاقدم بلاغ فالقسم 

عميل :

بس بس انتى بتتكلمى بسرعة كده ليه .. الرحمة ياعالم 

عميل:

مش قافل وقاعد معاكى فالمكالمة لبكرة انا ماورايش حاجة 

عميل :

لازم يعنى اشترك انا .. طب ماتشتركيلى من عندك ياأبلة .. اصلى مش متعلم وجاهل 

:عميل فى نهاية المكالمة

ربنا يكرمك ويفتحها عليكى ويجزيكى خير ويرزقك من وسع 

اللهم ارح قلبها ووسع رزقها ولم شملها واجعل زوجها يحفظ عرضها ويصون بيتها ويحميها واهلها

عميل :

حولينى على مدير حالا انا مش عايز اضيع وقتى 

عميل : 

ايه دا هوه فيه كده .. هوه فيه حد زيك كده .. ربنا يجزاكى خير 

  بالنسبة للاسكربت اللى فوق دا بيحصل كل يوم وموحة فاض بيها:( .. 

:وش بيشد فى شعره من الجذور:

gorgeous feeling

When I live with my lovely people , reach my best dream and feel this gorgeous feelings

بقينا بعاد

ياااااااااااااااااااااااااااااااااااااااااااااااااااااااه

 على المسافات  اللى بقت بينا

:(

اللهم امتنى ان كان الموت خيرا لى 

new fadfada

Let's live the life b2aaa

________________________

لما اتوصفلى احساس الرضا .. حسيت انى مفتقداه وانى بجد باتمنى احسه

:( 

________________________

تعالى اتصالح على نفسى وانا وياك .. واعيش جوه سلام ايدك واموت وانا باهواك  .. والحياة فى هواك تبقى حياة .. بجد حياة  :)

________________________

سواقين ميكروبصات ايه دول اللى بيتحكموا فينا .. دول بياخدوا قرارات كده من دماغهم وبيتحكموا فينا خلاص .. وفجأة بقت الفلوس الورق ما بتتصرفش .. دا بس علشان هما قرروا كده .. وسواق الميكروبص  بيقسم الخط بتاعه على تلت مرات وبنفس الاجرة سبحان الله اللى كنا بنركب بيها على مرة واحدة

بس قسما بالله احنا وسلبيتنا السبب .. بكرة يوقفونا ويختاروا مننا مين يركب معاهم ومين مايركبش ونبقى نلبسلهم هدوم شكلها حلو علشان نليق بالميكروبص بتاعهم ويقع علينا الاختيار

بجد اشكال تيت

________________________

can't make the decision but whatever I'll choose, I'll be Satisfied because I'll stay with u ISA :)

s7 gdn

طفولتى

اشتاق إلى طفولتى حين كنت اعبر عن غضبى بإلقاء لعبتى فالارض وألوى شفتايا والتصق بالحائط فى انتظار شخص يحاول  مصالحتى والتخفيف عنى  

اصبحت الان اعبر عنه بالكتمان فحتى الدموع تأبى ان تسيل فتخفف عنى 

new fadfda

sad without any reason. 

____________________________

miss looking at the sea and throwing all Concerns and troubles in it. 

____________________________

A little empty island inside the sea ,  around the grass , no one except me , without noise , only for one week . Afterthat I swear that I will be a new one 

____________________________

 I like to start this journey but Iam afraid of responsibility.

____________________________

need someone hugs me and lets me sleep between his arms. 

____________________________

My feelings can't grow up . I think they died.

____________________________

the bad nightmare is still following  me.

2 / 8 / 2012

فرحانه بيك وليك ومعاك

يارب ديما وشى يبقى حلو عليك

:)

قلبى اتوجعلك

ربنا يريح قلبك 

1 / 6 / 2012

وصف تفصيلى لكل لحظة يوم خطوبتنا ..علشان لما اقعد انا وحازم بعد عشر سنين اودام المدونة ونقرا الكلام دا نقعد نفتكر احلى يوم فى حياتنا . بحلوه ومره :)

اه احلى يوم فى حياتى علشان ربطنى بحازم دبلة .. خلتنا لينا مصير واحد وتفكير واحد وخلاص طريقنا اصبح واحد

ال ايه عملت حسابى انزل بدرى واخلص عند الكوافير بدرى علشان ما ألطعهوش ويفضل مستنينى ف الشارع كتير ,,, واللى ماعملتش حسابه حصل ... العروسه هيه اللى اتلطعت وهوه جالى متأخرررررررر :(

طبعا اتصلت بيه سبعتلاف مرة وكل اللى حواليا يقولى هوه فين عريسك دا .. ودماغى قعدت تجيب وتودى وبدأت افكر فى انى اروح بتنا اغير هدومى واغسل وشى واتابع مسلسل فاطمة .. جايز الحلقة تكون حلوة وانسىىىىى

واجى اتصل بيه الاقيه بيهزر .. ال ايه له نفس يهزززززززر :وش هيطق لجنابه:

شوية وشرف حازم بالبدلة السودة ... كان شكله عريس عريس يعنى ... عريس بغباءءءءء ... كنت عايزة اقوله كلمتين حلوين بس على مييييييين بقى ماخلاص قفلنى منه قافله سودا ... خلانى نسيت انى عروسه وانه عريس وبقيت حاسه اننا رايحين مشوار عادى

ركبت معاه العربية وفالطريق فكيت الحمد لله... وتوهنا فالطريق وسمعنا احلى اغانى وطنية .. حازم تقريبا كان فاكر نفسه رايح ماتش
D:كورة...وكنت بأرضى باى اغنية غريبة تشتغل علشان خايفة من اخوه لحسن اقوله غير الاغنية يقوم يبرألى :

اول ماالعربية وصلت وحازم وقف يسلم عالناس قومت طلعت على فوق ولقيته طالع ورايا وقام مبرألى وقالى فى عروسه تطلع لوحدها كده!!!!! .... بس اعمل ايه بقى كنت مكسوفه وهوه كان بيسلم وانا مش عارفة اعمل ايه

 ... ومن هنا بدأ احلى يوم فى حياتى فعلا ... كنت مبسوطة اوى .. مش علشان اى حاجة غير علشان اليوم دا قعدت معاه كتير .. والعيلتين بقوا مع بعض كأنهم عيلة واحدة وحسيت اننا قربنا اوى من بعض واعلننا اودام الناس كلها خلاص اننا عايزين بعض واننا ان شاء الله مش هنسيب بعض ابدا

طبعا وقت تلبيس الدبل لقيته ناسى اهم حاجة فالليلة ... ال ايه ناسى الدبلة ... حازم فعلا كان رايح ماتش كورة  :وش افتكر واتعصب:

طبعا انا وهوه رقصنا رقص مايترقصششش : وش بيتريق:  بس الحق يتقال احنا بجد كنا بنسقف حلو اوى ... كنت مكسوفه بشكل غريب .. احساس العروسه دا احساس ريخم

قضينا يوم حلو وروحنا مع بعض ودى كانت اول مرة برده حازم يوصلنى لغاية باب البيت

احلى يوم واحلى عريس 

ربنا يخليه ليا ...

8_ فضفضة ع الهامش

زعلت اوى لما فكرت التفكير دا وعنيا دمعتتتتتتتت ... مااهو اصل ماينفعشششششششش بصراحة :(

____________________________________

طعم الدنيا معاك حاجة تانية :)

____________________________________

ربنا يصبرها ويهدى اللى حواليها

____________________________________

ان كنت مش غالى يبقى مافيشششششششششش غاليين

___________________________________

أهى يلا عيشة والسلام

___________________________________

مش مكفينى: 
 انى اول اهم اولوياتك طول ماانت صاحى .. وانى مش بافارق احلامك وانت نايم .. وانك وانت بتاكل بتتمنى تاكلنى فى وسط الاكل اللى بتاكله... ولما بتعطش بتكون عطشان لصوتى  ...وان نضارتك مشبرة بصورتى :وش طماع:

عايزة ارجع طفلة تانى

بتمنى اعود للوقت اللى كان فيه

 

المكان الوحيد اللى باحس فيه بالامان هو حضن امى فقط

وكان الشئ الوحيد الذى ينكسر هو الألعاب

وكان اعلى شئ ف الارض هى أكتاف أبى

والشئ الوحيد الذى يؤلم هو جرح فى ركبتى

واقصى هدف عايزة اوصله اوكرة الباب

واقصى عقاب باتعاقبه انى مااخدش المصروف

وكانت وداعا تعنى وداع الى غداً فقط

بحبك يارب

حاسة انى محتاجة اجدد علاقتى مع ربنا

لأنى فعلا بقالى فترة مقصرة اوى معاه

اللهم انى استغفرك اتوب اليك

:)

12 / 4 / 2012

عارف باحس معاك ايه؟

باحس انك بابا :
لما باعمل حاجة غلط بابصلك وباشوف اخدت بالك ولا لأ ويااااه بقى لما باعمل حاجة غلط وتقوم مبرألى  ...مبتنيهاش تانى ....واما باعمل حاجة صح باستناك تكافأنى وتقولى برافو عليكى وباتعمد كل شويه اقولها اودامك .. باحب اوى اتدلع عليك .. واسمعك وانت بتدلعنى .واما اتدايق منك وتصالحنى .. وهاتصالح يعنى هاتصالح بالذوق بالعافيه هاتصالح ... افترااااااااا واستبداد :)

باحس انك ابنى :
بافرح لما بتحكيلى كل فسفوسه فى حياتك واديك رأيى وانصحك والاقيك عملت بيه .. واما اقعد اقنع فيك ان كده كان غلط وتقتنع وانت راضى ... واما اقولك على حاجة انها حلوة  والاقيك فرحت كدة وال ايه علشان تعمل نفسك جامد اوى ترد وتقولى : مالازم تبقى حلوة مش حازم اللى لابسها !!!!!!!!!!!!!!

باحس انك نصى التانى ::
عارف يعنى ايه نصى التانى ؟؟  يعنى طول ماانت بعيد عنى انا مش كاملة ومتكاملة ... لازم يكون ناقصنى حاجة ... وتخيل بقى لما بتيجى عليا .. تخيل النص لما يكمل هيبقى شعوره ايه؟؟؟؟؟؟؟

باحس انك ملاكى اللى مش بيفارقنى : 
 وخصوصا لما اكون بافكر فى حاجة والاقيك فى نفس اللحظة كنت بتفكر فيها .. ولا لما تيجى فى بالى الاقيك بتتصل .. ولا لما نقعد شويه حلوين مابنتكلمش وفجأة تيجى فى بالى وامسك الموبيل ولسه هادوس سيند الاقى رساله جاتلى منك.... اما باكون متدايقه وماقولتش ومش مبينة والاقيك متصل تقولى مالك؟!!!!  

باحس انك مسئول عنى وعن كل حاجة تخصنى ..بتحاول تحمينى وتحتوينى وتريحنى وتسعدنى وتفرحنى وتمتعنى

وحاجات كتيراوى ياحازم 

بجد ربنا يخليك ليا ويحميك ومايفارقناش عن بعض ابداااااااااااااااااااااااااااااااااااااااا

ويارب نكون مكتوبين عند ربنا (اننا نصيب بعض) علشان فعلا انت احلى نصيب J

very

Bad mood

رموز العيلة

جدو

تيتا مامت ماما

تيتا سعاد

وتتوالى الوفيات

ورموز العيلة واهم ناس فيها بيموتوا :(

وبيدفنوا فالتراب

اللهم ارحمهم وارزقنا الصبر

امتى يادنيا

امتى يادنيا

هتاخدى منى جنب وتبطلى تخبطى وتهبدى فيا 

... انا اكتفيت واتوجعت منك على فكرة 

كافياكى بقى 

 

رساله الي بابا وماما

انا نفسى عيالى بعد كده 

يحبونى انا وجوزى زى ماانا باحبكم


بس مااعتقدش علشان احنا مهما عملنا مع عيالنا  مش هنوصل لربع اللى انتوا بتعملوه لينا


:(

سطر جديد

قررت اعمل نقطة كبيرة 

نقطة بمثابة باب يقفل على كل الهموم والاحزان

والاوجاع والآلآمممممممممم

وابدأ سطر جديد

مليان حاجات حلوة

ترجعلى ضحكتى اللى بقيت باخاف اضحكها

واللى الوجع محاها من جوايا

هابدأ السطر الجديدة بكلمة

بحبك يارب