From now

ليس كل من يقول لى احبك حبيب,,,

وليس كل من يقول لى كلمة يصبح لي صديق,,,

وليس كل من يتفهم صمتى,,,

وشعورى,,,

وذاتى,,,

اعتبره من قلبي قريب..

محتاجة راحة

من الاربع حيطان اللى فى اوضتى

من الجيران اللى حواليا

من البشر اللى بيتعاملوا معايا

من المنافقين والكذابين

من كل حد بيتجاهل مشاعرى

كل حد بيحاول يخدعنى

كل حد شايف بس مصلحته عندى فلازقلى

حتى من اللى بيطبطب عليا

واللى بيحافظ عليا لانكسر

واللى شايف نفسه كان مقصر وبيصلح غلطته وبيقربلى

مش عايزاه يقرب خلاص ولا حتى يفتكرنى

محتاجة راحة

من التفكير

من الدموع

من احساس الذنب تجاه حد مايستاهلش

او حتى حد يستاهل

محتاجة راحة

من الشغل

من الناس

من الهموم

من الصوووووووت

نفسى اقعد شويه مااسمعش صوت اى حد ولا حتى صوت نفسى

من الاخبار

اخبار الناس

وصحابى

والبلد

والشغل

من الاكل والشرب

والنفسسسسس اللى باتنفسه كمان

من الناس اللى بتحاول تبرر موقفها

والناس اللى رافضة تطلع غلط لمرة واحدة فى حياتها

مع انى ماشوفتش منهم غير كل غلط

وحتى من الناس الصح مش طايقه اسمعهم

محتاجة راحة

من التفكير فى الحاجة اللى ضاعت

والناس اللى باعت

والدموع اللى سالت

واللى جوايا مكسور

على فكرة انا محتاجة راحة من الدنيا

حذارى

كرامتى كعلبة الدواء
:
:
:
اضعها بعيدا عن متناول الاطفال

لأنها ستقتل من يحاول ان يمسسها

:)

منقول

شكرا اوووووووى

ودمتـــــــــــــــــــــــــم 
:(

حاضر

مش باحب اقول حاضر

مش علشان صعبه

بس علشان عندى زى السيف

النور مكانه في القلوب

احضن خيوط شمس الغروب

يا تكون قد الحياة

يا تعيش وحيد وسط الدروب

اليأس ضعف وخوف جبان

لكن الأمل يفتح بيبان

يا تكون قد الحياة

يا تعيش وحيد وسط الدروب

المس خضار الشجر

حس بضياء القمر

انقش قلوب على الحجر

علي شيء ما تندمشي

يمك قوام عديه

امشي الطريق امشيه

العمر ايه يرويه غير قلب مايخافشي

النور مكانه في القلوب

احضن خيوط شمس الغروب

يا تكون قد الحياة

يا تعيش وحيد وسط الدروب

فيه ناس كتير ترضي المصير..
وناس تشوف بضمير ضرير..
يا تكون قد الحياة

يا تعيش وحيد وسط الدروب

حلي مرار الأيام

لسه الحياة قدام

قوم لون الأحلام

واوعى ماتضحكشى

جسدك فى قلبه الروح..
تداوي كل جروح..
بالسر اوعى تبوح..

وإياك ماتحلمشى

6 _فضفضه عالهامش

انا مش فاشله بس برده مش ناجحة ... ومش راضيه عن نفسى بس برده مش غضبانه عليها

انا فى النص ... ومش حلو خالص شعور فالنص دا


_____________________________

الطريق مش ضلمة ولا بعيد بس انا مش عارفه اوصله مع انى مش معوقه

_____________________________

مابقتش احب احكى لان اللى اودامى مش فاضى يسمعلى او مش معايا اصلا .. بس انا برده مقصرة ومابقتش سماح بتاعت زمان

_____________________________

انا احسن من امبارح بس عايزة بكرة ابقى احسن ... مش طمع لكن امل

_____________________________

مابقتش ت ف ر ق معايااااااااااااااااااا والله فعلا
_____________________________

اهه زعلت جدا والموضوع ساب اثر مش لذيذ جوايا ... بس مش هألوم حد غير نفسى لانى انا اللى شكلت النتيجة اللى زعلتنى فى الاخر

_____________________________

حد يبلغ الايام تقف شويه وتبطل تجرى لان دا مش فى مصلحتى خالص

_____________________________

طموح وظيفى ؟؟؟ هععععععععع ماعنديش

_____________________________

ساعات باحس انى زى الهوا بجددددددددددددد

____________________________

قفلت الباب خلاص ومش عايزة حد جديد يدخل فى حياتى ولا يعتذرلى ولا يرجع اللى فات ولا يلعب فى وتر الذكريات
لانها راحت او جت مجرد ذكريات .. بافتكرها وابتسم واقول كانت ايام حلوة

____________________________

هوه فين دا ؟
____________________________

ياااه دا انا شوفت م الدنيا دى بلاوى ((( الحمد لله)) ه
____________________________

هيه الناس دى لسه عايشه ؟؟؟ والله كنت بدأت انساهم اصلا
____________________________

عالم جديد وكائنات غريبة بدأت تتفرض عليا .. مشوهم من اودامى بقىىىىىىىى

____________________________

بداية موفقه إن شاء الله
__________________________

يارب بكرة يكون احسن

انا زى الفل

زى الفل الدبلان

صغارررررر فى عينى اوى

سأجلـــــــــس دائمـــــــــا علــــــى شاطــــــــئ

وانظـــــــــــر الــــــى الامــــــــواج التــــــــي تأتــــــــــي كبيـــــــــرة مـــــــن بعيــــــــد وتصــــــل صغيـــــــــــرة

فهـــــــــــى تذكرنــــــــى كــــــــــم مـــــــــن النــــــــاس كانوا فى نظرى كبـــــــارا فـــــــــــي الماضــــــــــي واصبحـــــــوا صغـــــــــارا فــــــــي حاضــــــــر

حقهم متاكل ياعينى

رمضان بالنسبالى كان عبارة عن فانوس

نحط الفوانيس كلها فى النص ونقعد نلف حواليها

كنت باتبهدل علشان كنت صغيورة

كل العيال الشريرين كانوا بيدوسوا على رجلى

بس كنت بابقى فى قمة السعادة

ونقعد نلف ونلف ويدوسوا ويدوسوا ونغنى ونغنى ونسقف ونسقف

ونعد واحد اتنين تلاته وكل الفوانيس تتفتح فى وقت واحد

لغاية ما ام احمد تتخنق مننا وتقوم جايبه جردل المية وحدفاه علينا

ياعينى على اطفال اليومين دول

غلابه .. حتى فوانيسهم هيه اللى بتغنى كأنهم عندهم شلل فى لسانهم مثلا او مش هيعرفوا يغنوا

والفوانيس مابقتش فوانيس .. دا فانوس على شكل توكتوك وفانوس كرومبوا وفانوس مش عارف ايه

حتى العليقة اللى كنا بنمسك منها الفانوس بقوا ينسوا يحطوها

واهاليهم خايفين عليهم ينزلوا علشان الدنيا مابقتش بخير

ايييييييييييييييييييييه فين ايام زمان
:)

Try to be in the same direction

كل واحد فى طريق

دا رايح شمال ودا رايح يمين

وكل واحد رافض يروح فى نفس الاتجاه بتاع التانى

رغم انه محتاج يروح

بس بيقاوح

(هيه دى الحياة وهما دول البشر )ه

GREAT FEELING

باحس إن

قلبى بيتغسل فى رمضان

بلاااااااااااش

ممكن يادنيا اطلب منك طلب
:
:
:
بلااااااااااااااااااااااااااااااااااااااااااش
:
:
:
بلاش تخلينى اطلللللللللع لفوق وتوقعينى تانى

ماتدوقنيش طعم النجاح طالما هافشل تانى

ماتفرحنيش طالما الحزن مستنينى

بلاش اوصل لهدفى واشوفه بعينى طالما هدفى هيسيبنى ويمشى

وماتخلنيش انسى الوحدة والظلمة وترجعى تقعدينى فى اوضه ضلمة لوحدى

بلاش يادنيااااااااااا

لأنى متأكدة انى هارجع تانى لنفس النتيجة ونفس النهاية

بس الفرق انك يادنيا ماكنتيش بتعشمينى

فرضتى عليا الوحش واتأقلمت عليه

ماتخلنيش بقى اشوف الحلو واعشم نفسى تانى بيه

طالما النتيجة واحدة ومعروفه يادنيا

:)

منقوش جوايا

اهه مش عايزة تدريس تانى

مليت منه ومابقتش حباه

بس لما قعدت فكرت مع نفسى وكالعادة رجعت بالزمن لورا

افتكرت انى كنت باصحى الساعه سته الصبح

الصحيان بدرى كان بالنسبالى مشكلة ... بس كان شعور تانى لما استعيد قوايا والبس وانزل استنشق اول حبة هوا فى اليوم قبل مايتلوثوا

واقول اذكار الصبااااااااح ... كان شعور تحففففففه

وكلمة مس برده اللى كنت باسمعها من العيال وحشانى

واحشنى اوى الطابور بتاع الصبح لما كنت اقف باصه على كل ولادى يقوموا يظبطوا طابورهم ويتعدلوا ويقفوا زى المسطرة

كانوا بيصعبوا عليا لما تمارين الصبح تزيد عليهم وخصوصا فى اوقات الحر والشمس

فاكرة التمارين بتاعتهم تمرين تمرين

فعلا الولاد دول سابوا اثار وعلامات جوه منى

وحشنى برده لما كنت اقعد برة الفصل احضر الدرس

وياه بقى لما كنت بابتكر طرق لشرحه .. طريقه تكون لعباقرة وطريقه للفصل التانى اللى تقريبا نسيوا عقلهم فالبيت وجايين باجسادهم بس

كنت بابقى فى منتهى السعادة لما اسألهم فى الدرس القديم قبل ماابدأ ويسمعوه حلو اوى ,, واسألهم فالجديد بعد مااشرحوا والاقيهم بيشرحوا بطريقتى

مش نسياهم لما كذا مرة حصة الالعاب اتلغت من عليهم وقولتلهم لو اتظبطتوا الحصة دى هنلعب فى الفصل فى حصة الالعاب بتاعتكم ومش هناخدها شرح

ساعتها كان عندهم حماسسسسس ماتوقعتش انه يطلع من اولاد فى سنهم

ولما جينا نلعب وقولتلهم يقلدوا المدرسين ... كانوا بيقلدونى كما انا بالظبط .. حافظين اللزمه بتاعتى وطريقة شرحى بالانجلش وحتى نطقى كانوا بينطقوه زى بالظبط ... ودا اسعدنى والحمد لله

بافرح اوى اما باعرف انهم سالوا عليا بعد مامشيت

ولما بيقابلونى بالصدفة فى الشارع ويجوا يسلموا عليا .. مابيخبوش وشهم زى ماانا ياما عملت فى مدرسينى زمان

اهه التدريس متعب وشاق ومليان ناس مابتقدرش

بس انا بجد باحمد ربنا على تلت سنين من اجمل سنين حياتى

وباشكر الفرصة اللى خلتنى اضيف لذكريات حاجة جميلة تعلم فى شخصيتى كده

:)

:(

اللهم لا اعتراض

T H E P A S T

بعض الذكريـــــــــــات تحتاج

للحـــــــــــــــــــــرق

شيل ايدك من جيبك

النجاح سلم

لا تستطيع تسلقه

ويداك في جيبك

only for one night

Dear Brain,

It would be awesome if you could shut down your thoughts for a few hours,

so I could go to sleep

كلمة وبس

الموضوع كله يتلخص فى كلمة واحدة وبسسسسسسسسسسسس

:
:
:
:
:
:
:
:
:
:
:
:
:
:
:
الرضـــــــــــــــــــــــــــــــــــــــــــــــــــــــــــــــا

اقابلكم فى الخسوف الجاى

خسوف القمر اللى حصل انهاردة دا
بيحصل مرة كل 60 سنة
سرحت بخيالى لحالنا بعد 60 سنة
لما الخسوف اللى بعده يحصل متهيألى هيكون معظمنا مات ..
إذا ماكانش كلنا والله اعلم
ومتهيألى لو باقى مننا حد عايش عمره ماهيبقى قاعد عالنت ..
لأنه هيبقى عجوز وكركوب وعنده هشاشة عظام
كتير مننا هيبقى تيتا وكتير هيبقى جدو ..
دا غير ان فيه كتير هيبقى اصلا مااتجوزش
بالحالة المنيلة اللى احنا فيها دى فلا هيسمع تيتا ولا جدو
نيجى بقى للتقدم والتطور متهيألى هيكون فيه معيشه عالقمر
ومش بعيد يكون فيه سكن وشقق وكده
فأول مايقولوا الخسوف
يجيبوا شنطهم ويركبوا صواريخهم وينزلوا عالارض
بعيدا عن كل دا ..
انا محتاجة ادعى ربنا واتمنى .. إن مايجيش الخسوف الجاى غير وربنا راضى عنى وانا كمان اكون شايفه انى راضية عن عمرى وفيما افنيته سواء حية كنت او ميته
:)

فضفضه عالهامش 5_

يكفينى انى شوفت البحر وشميته وسمعته ورميت فيه جزء كبير من همومى


...ودعيت ربنا وحسيته قريب منى اوىىى وبيقولى انا جنبك

__________________________

ربنا يخليك ليا يابابا .. ويحفظك من اى سوأ

__________________________

هيه الجراح والدموع والحاجات الغم دى مابتزهقش منى خالص ؟
ماتروح تشوفلها حد غيرى

__________________________

بخبراتى وتجاربى دلوقتى اقدر اعلن اودام البشريه كلها انى عديت التسعين سنة

__________________________

طول ماانا ماغلطتش فى حق حد فانا عمرى ماهاندم

هانجرح بس واتعور واعيط ومع الوقت جتتى هتنحس كمان ... الف مبروك عليا

__________________________

مالك؟ مالك؟ مالك؟ هيه الناس دى مابتزهقش من السؤال دا ؟

__________________________

عايزة اشتغل شغل يهمدنى ويخلى ماعنديش وقت افكر ولا اقعد كده ولو دقايق مع نفسى .. عالاقل الكام خمسين شهر الجايين وبعد كده ابقى اترفد

__________________________

اتعودت ان الكل يحكيلى ويشكيلى ويترمى فى حضنى ويعيط . وانا ماباشكيش لحد لغاية لما بقيت حاسه انى وحيدة جوه نفسى وبوقى مابقاش يحب ينطق علشان مش متعود على كده ... لدرجة انى بقيت عايزة اتخانق مع اى حد يقولى احكيلى مالك

__________________________

1/2/2011
21/5/2011

___________________________

حاسه ان فيه اغانى معينة بتطاردنى وبتجرى ورايا فى كل حته
ابتديت اقلق على نفسى

___________________________

(نفسى) هيه اعز صحابى

__________________________

اى جرح مسيره فالاخر بيهدى ...كل الناس بتتألم عشان ترتاح

__________________________

نفسى تهمد بقى وتبطل تعمل نفسها حزينة ومكتئبه علشان دا تمثيل وانا ماليش فالتمثيليات بصراحة ... ولا هيه فالفرح نسيانا والحزن دعيانا ؟
نيله تنيلها بنيلتين

_________________________

مافيش حاجة اسمها نعمة النسيان علشان انا مابعرفش انسى اصلاااااااااااااااااااااااااااااااااااا

_________________________

بافكر اعمل مدونة سريه هععععععععععععععععع

_________________________

هعععععععع

جربت اضحك ع الليالى

;
;
;
;
;
;
;
;
;
;
;
;
;
;
;

بكيــــــــــــــــــــــــــــــــــــــــت

:(

سؤال يتطرق إلى ذهنى

هوه ليه الخيانه ؟؟؟
طب وليه الغدر ؟؟
بقالى مثلا اسبوعين مش باسمع من صحابى غير حكايات كلها فشلت بسبب الخيانه والغدر
يعنى ايه يبقوا اتنين فى قمة السعادة وبيحبوا بعض اوى وموضوعهم ناجح وماشى زى الفل
وفجأة تكتشف خيانته ليها طب استفاد ايه؟؟؟
فرح هوه بقى لما دغدغ بأيده احلامهم مع بعض ؟
لما كسرها وحسسها انها كانت بالنسباله ولا حاجة فى حين انها كانت شيفاه كل حاجة ؟ اه ماهو اكيد لو بيحبها فعلا
عمره ماكان هيشوف غيرها ..
كانت كل احلامه هتتلخص عليها هيه
وكل سعادته هتنبع من علاقته بيها
بلاش اظلمه واقول انه كان كداب
وكل كلمة حب بيقولها مش صادقه خلينا نقول انه بيحبها ...
طب عمل كده لــــــــــــــــــــــــــــــــــــــــيه؟؟
ليه خانها ؟؟
ليه حب غيرها ؟؟
ليه جرحها ؟؟
هوه اللى بيحب بيجرح؟؟




وعلى الجانب الاخر من العلاقات اللى برده سمعت عنها كتير
واحد بيحاول يثبت للى اودامه انه بيحبها وبيعشقها
بس هيه مش حاسه حاجة من ناحيته
مع الوقت زى اى بنت بتلاقى اهتمام من اللى اودامها
بتبدأ تتشد ليه غصب عنها
يقعد يزود حبها ليه ويقنعها بانها اهم حاجة فى حياته
وانه مش هيستغنى عنها
وانه مش شايف حد غيرها
ولما خلااااااااااااااااااااااااص الحب يتزرع جواها
يجيى يقولها البوق الحمضان اللى معظمهم بيقولوه
عندى ظروف ومش عايز اعطلك معايا
واتمنالك تلاقى حد احسن منى



مش عارفه اقول ايه ... جايز هيه اللى غلطانه علشان اديته قلبها ؟ بس هيه كانت تعرف منين انه مجرد عايز يلعب بمشاعرها
مش عارفه ...
بس فالنهاية برده نفس السؤال بيتطرق إلى ذهنى : هوه ليه كده؟؟؟

انا

أقوى من أى آلآلآلآلآلآم

مابقاااااااااش

قالت السمكه للبحر:

انك لاتري دموعي لانها وسط ماءك

فرد عليها البحر:

ولكني أدركها لانها وسط قلبي

ما اجمل ان تُشعر من تُحب بـ آلمك واهتمامك
لـ دموعه وآلالاااااااامه

فيقل الحمل والالم بل وينعدم

أكيــــــــــــــــــــــــــد

عقله مغيـــــــــــــــــــب

أو فيه حاجة غلط

مش عارفه أقول أيه بصراحة

:angry:

يمامه شارده

:وش مستفـــــــــــــــــــــــــــــذ :

:'(

مخنوقه اوووووووووووووى

Adviceِ

خمسة لا يمكن أن تعود لك:

كلمة قلتها ..

ودمعة ذرفتها ..

ورصاصة أطلقتها ..

وفرصة أضعتها ..

وحب خنته

حاولوا تحافظوا عليهم وتمسكوا فيهم بايديكم وسنانكم

NOT ME

انا واحــــــــــده غيرى

4 _ فضفضه عالهامش

محتاجة حد يهزنى جايز افوق او حتى ابص حواليا واعرف انا فين
____________

نصى فاشل والنص التانى ناجح .. بس وحشنى طعم النجاح الكلى اللى كنت باعمله من غير مساعدة حد

___________________


مابقتش زى زمان قوييييه .. بقيت ضعيفة وأى حاجة صغيرة ممكن توجعنى وتبهدلنى كمان

___________________

حطتنى فى موقف لا احسد عليه والمفروض بقى انى اسكت ... بس انا مش عارفه اسكت خاااااااالص بجد :(

___________________

بجد صعبان علياااااااا

___________________

مافيش فالدنيا دى احلام بتتحقق عشان نحلم .. دا معناه انى اوقف سلسلة احلامى المستقبليه واخلينى واقفة فى مكانى؟!
..مكانى اللى بقالى كتير مافارقتوش
لسه اصلا عايزة اشوف انا لزقت فيه ولا هاعرف اتحرك

___________________

ايا كان الوضع انا مبسوطة ان ألوان الحياة بقت بتتغير اودامى .. مش عايزاها بيضه بس كفاية انها مابقتش واقفه اودامى عاللون الاسود

___________________

اكتشفت فى شخصيتى حاجات كتير اول مرة اعرفها عنى .. اتارينى انا نفسى ماعرفش سماح

___________________

خلاص ماعدش حد هيدخل حياتى إلا بأذنى وإذا كانت قوانينى صعبه وقواعدى صارمه يتفضل يدور على عالم تانى سهل يحل طلاسمه بعيد عنى .. اصل انا اصلا مابقاش فارق معايا حد ولا بقيت عايزة حد هعععععععععععع

___________________

فرحت اوى من مكالمتها .. ربنا يسعدهاااااااااا

___________________

يارب لو الموضوع دا فيه الخير ليك يثبتك عليه لو لألألألأ يبقى بعيد بعيد بعييييييييييييييييييييييد

___________________

يارب الايام تجرررررى بقىىىىىى :(

___________________

لأ خالص مابقتش حمل صدمات .. او على رأي بوبا : مابقتش حمل جرح ولا حتى فرح
:(

Stop , please

I hate this feeling

All the people around me want to take only

Please try to give

give meee .

Altough this is my right , I'll thank u

Not for what I took , but for the feeling itself

The feeling of taking

I need to feel this

I want to taaaaaake

I'll stop giving anybody anything

FFFFFFFForget this matter

My feelings , my smile , my interests , my dreams and my hopes only belong me .

تغيير جذرى

بصراااااااااحة بقى انا لازم اخرج من نفسى

نفسى دى مش هتجيبلى غير التعب والوجع

وانا زهقت اوجاع خلاااااااااااااااااااااص

وقررت اتغير علشان اعرف اتعامل مع البشر

:(

لا شئ يضاهي وجع أنثى ..

تصطنع الفرحة وفي قلبها ألم يتضخم من شدة الحزن

بلال الفوراني

عاااااااااااااااااااااااااااااااااااااااااادى

زعلى هأقوى عليه
:(

only for me

هأركب المركب بتاعتى واوصل لغاية جزيرتى اللى فى احسن مكان ( البحر )

مااسمعش غير صوت الموجه

واحتمال عصفورة تحب تنزل تشرب شويه ميه فى منقارها

.. الميه حواليا هتبقى دافيه بالنهار وبتلمع وبتعكس الضوء فى عنيا

وبالليل كتل الهوا البارد هتخبط فالمية وتحدفها على عندى .. وهتعمل صوت الامواج

هاعيش لوحدى بعيد عن اى تلوووووث آدمى .. ولا حد هيقلقنى ..

معقوله مش هاسمع اى صوت بشرى ؟؟

اكيد هانسى اسمى

اه هنساه من كتر الجمال اللى اودامى وعلشان كمان ماحدش هيناديلى بيه

لأنى مابقتش محتاجه حد يميزنى عن الباقيين

انا بقيت انا ومافيش غيرى انا

مش هاخاف ولا هاقلق .. ولا هاعيط ولا اتألم

مش هاحتاج حاجة تسلينى .. دى طبيعه ربنا بقت ليا لوحدى

مجرد حلم :(

:)

ياررررررررررررررررررب

:)

عمرى ماهنسى

خالتو حبيبتى ملامحك وصوتك وحشنى جدا

مفتقده اهتمامك بيا وتصرفاتك اللى ديما كانت بتعجبنى

انهارده فرحت اوى لما لقيت ناس كتير فاكرينك بعد كل السنين دى وبيدعولك بالرحمه من قلبهم

وبيتمنوا يخدمونى لمجرد انهم كانوا بيحبوكى مش لاى مصلحة لان مصلحتهم هتكون ايه مع واحدة ماتت؟!

فعلا البنى ادم مش هياخد معاه فلوس ولا اى حاجة غير بس السيرة الطيبه

بقالك كام يوم بتيجى فى بالى جامد والمواقف اللى بتفكرنى بيكى بتتكرر اودامى

ربنا يرحمك ويغفرلك

وحشتينى جدا ياحبيبتى

:)

(•̮̮̃•̃)

(•̮̮̃•̃)

(•̮̮̃•̃)

(•̮̮̃•̃)

تعيشى ليا

يارب يخليكى يا أمى

ياست الحبايب

♥ ♥

ووووووووووووخلص

وووووووووووووووو خلص الكوووووووووووورس خلااااااااااااااص

اول يوم دخلت الانجلش لقيت واحدة داخله بتتكلم انجلش وبسسسس

طبعا فى الاول كنت مبحلقه ومبلمة ومش متخيله انى مش هاهزر وانطلق كعادتى

لأن الانجلش هيحكمنى

ونفس نظرة الازبهلال شوفتها فى وش كل واحد كانت بتسأله

معزورين اصل العربى بيجرى فى دمنا

وكنت مش مستعدة اصاحب ناس جديدة خلاص

محتاجة اقفل على صداقاتى بالمفتاح واقول نأسف لعدم ادخال اى صداقات جديدة

حيث ان القلب لا يسع للمززززززززيد

انا فاكرة انى كان جه عليا وقت محتاجة ازززززززززززوق الايام علشان الكورس دا يخلص

بس مع الوقت اندمجت وبقيت افكر بالانجلش

والله ساعات كنت باتكلم فى سرى انجلش

وفعلا ماحسيتش انى حبيت العيال دول اوى كده غير اخر اسبوعين

بعد الثورة لما بعدنا عن بعض

وافتقدت الضحك والمرح معاهم

وقعدت زى الكوبه فى البيت

كل حد فيهم اثر فيا بجد يخربيت عسسسسسسسسسسسسسسسسسسسلهم

هافتقدهممممممممممممم بجد

ومس رنا كمان هافتقدها اوى وهافتقد البرونانسياشن بتاعها

بجد انسانه محترمه اوى

الكورس دا اثر كتير فى شخصيتى

صحيح تعبت جدااااااااااااااااا فيه

والمذاكرة كانت كتير

والبروجكت كان صعب

وموضوع الليدر دا مش لذيذ خاللللللللللللللللللللص

بس بجد الكورس زود ثقتى فى نفسى اكتر واكتر

يعنى ممكن امشى متفشخرة بنفسى وطايرة دلوقتى

هععععععععععععععععععععع

مرحلة حلوة اوى يسعدنى انها تتدون جوه كشكول حياتى

مش هانساه ولا هانسى اجدع صحاب

:)

يااااااااااااالله

مبررررررررررررررررررررررررررررررررررررروك

يااخوووووووووووووووووووووووووووووووويا

ياحبيب قلبىىىىىىىىىىىىىىى

ربنا يسعدددددددددددددددك يارب

مبسوطه اوى علشانك

بجد

:)

ربع قرن

بقالى 25 سنه خايفه من ان ربع قرن دى تدخل فى حياتى غير لما اكون عملت وعملت وعملت

اصله قرن ياناسسسسسسسس مش سنه وخلاص

اما السنه كبيرة اومال القرن دا يبقى ايه؟؟؟

كنت نفسى 8/3/2011 ما تتعرضليش خالص

او التاريخ يقف عند يوم 7

او تحصل اى كارثه مثلا ويطلعوا فى الاخبار يوم 7 ويقولوا قررنا الغاء يوم 8 / 3 / 2011 لسبب قهرى

عادى بقى ما احنا فى عهد المعجزات

بس اما قعدت وافتكرت ذكريااااااااااااااااااااااااااااااااااااااااااااااااااااتى وحياتتتتتتتتتتتتتتتتتتتى وحاولت اعد
كام شخص أثروا فيا ؟
وباعز كام حد؟
وباحب كام حد؟
وعملت كام حاجة ؟
وضحكت من قلبى كام مرة ؟
وعيطت اد ايه؟
وحزنت اد ايه؟
واخدت تجارب اد ايه من الحياه؟
واتعلمت اد ايه ومن ناس اد ايه؟
ودرست اد ايه ؟
واشتغلت اد ايه؟
واستفدت اد ايه؟
واستمتعت اد ايه؟
و
و
و


لقيت ان اللى فات قليله عليه كلمة ربع قرن
وانى بقالى كتير فى الدنيا
ومش كلها شقاء وعناء لا خالص بالعكس
انا الحلو عندى اكتر بكتييييييييييييييييييييييييييير م الوحش
الحمد لله انا مافيش فى حياتى ذكرى الا ولما بافتكرها بابتسم وبافرح انها اتدونت فى حياتى
وعمرى ماحسيت بالمعاناه او الكسرة
عمرى ماعيطت بحرقه وقولت اشمعنى انا ياربى ؟ زى ما باسمع من ناس كتير

انا بجد فرحانه بكل حد دخل فى حياتى واثر فيها بالايجاب وباشكره
واخصصصصصصص بالشكر ريهام رمضان ... مش عارفه اصلا هيه لسه فكرانى ولا لأ
بس جايز فى يوم تفتكرنى وتقلب فى مدونتى
وتعرف انها كانت احلى حاجة فى الربع قرن الاولانى
جايز الايام فرقتنا بس برده هتفضل حبيبتى
:)
واكيد فيه ناس كتير تانى بس انا خصيتها علشان الناس التانيه معايا فى الربع قرن الجديد
ومكملين ولا ناويين تخلعوا ولا ايه؟؟
هععععععععععععع

ومتفااااااااااااءله جدا للى جاى
وهافكركم يوم 8/3/2012
ان شاء الله

انا هاحط نقطة عند الربع قرن اللى فات
وهاقفل كشكول الذكريات
وهاحطه فى قلبى
وهابدأ كشكول جديد
ربع قرن جديد
احللللللللللللللى كمان من اللى فات
فيه سماح جديدة
بحياة جديدة

ومش هاحط على التورته رقم 25
لأ هاحط رقم واحد
لأنى حاسه ان فعلا حياتى بدأت تتبنى من جديد



كل سنة وانا طيبه ومبسوطة وفرحانه على طووووووووووووووووول

يارررررررررررب
:)
ومش عايزة اى حد يدايقنى خاااااااالص

امومه وطفوله وسبانخ ورز

يارتنى ارجع طفله زى زمااااااااااااااااااااااااااااااااااااااااان

ياسلام احساس حلو اوووووووووووى

اكتر حاجة كانت ممكن تعكر صفوى

ان مثلا فى دبانه هتخلينى مش هاعرف انام

حتى دى ماكنتش بابذل مجهود فى انى امشيها

لأن البيت كله اكيد هيجرى وراها وهيعملها درس محترم

علشان ماتفكرش تتعرضلى هيه وصحابها الدبابين

ماكانش فيه حاجة اسمها اشيل هم

ولا اتحمل مسئولية نفسى

ولا اصلح غلط عملته

ولا حتى اقرر قرار

كنت لما بابتسم ... الابتسامه مش شايله وراها اى احزان ولا اى هموم
___________________

بس بما ان موضوع انى ارجع طفله دا مستحيل

فممكن احلم دلوقتى بانى ابقى ام

اشوف طفلى مبتسم الابتسامه الصافيه دى

ابعد عنه اى هموم او اى احزان

اكيد هيكون احساس الامومه

اعظم من احساسى وانا طفله كمان

:وش متفائل:

ليه؟

بحس انك انت اللي بقيت مسئوله منه
واحس انك انت اللي انا مسئوله عنه
واحس اني فيك شايفه اللي انا بدور عليه

ما تعرفش ليه ..

انا ازاي بقيت ما بخافش وجريئه فهواك
وبقدر على اللي ما بيتقدرش عليه معاك
ولو كان دا مش حب انت قوللي دا يبقى ايه ..؟؟

غمضت العمر كله خدت ايه

اااااانت
رافض تشوف ؟؟؟

ولااااااا
مغمضها خوف ؟؟؟