العيال كبروا

انهارده كان فى حفلة تكريم ف المدرسه

العيال وهما بيتكرموا كنت حاسه انى انا اللى باتكرم

مع كل سقفه اتسقفت ليهم كنت باحس ان معنوياتى بتعلى لما بتوصل لفووووووووووووق

وخصوصا لان التكريم كان ع الانجلش بس

عيالى بتوع الفصل المتفوق اتكرموا الكلاس كله

والكلاس اللى هما الميتين اتكرم منهم عدد حلو يعنى بتاع سبعتاشر مثلا

طبعا احساس حلو جدا

لأ والعيال احلووووووووووووووووووووووا جدا

وكل واحدة وواحد جايبه الكاميرا وجايبه ماما وعايزة تتصور جنب مس سماح

وياه لما بافكر اتصور جنب اتنين

الشاطر بقى يطللللللللللع المس فين

العيال اكبر منى

واشيك منى

انا باحقد عليهم

صورهم هاحطها اهوه

اسراء اول واحدة طلعتلى

وجيبالى الموبايل بتاعها

وبليززززززززززززز يامس نتصور

وكانت خجوله جدا ف الصورة اللى طلعت فيها معايا

1_

بعدها هلت علينا علياء , قولتلها تعالى ادخلى ف الصورة

قمر ماشاء الله عليهم

2

شويه ونزلت تحت خالص الكانتين ولاقيت ايد على كتفىىىى , وإذا بها مرررررررررررررررررريم

ماى بيست بيوبيل

طبعا اخدت البت بالاحضان من كتر مانا فرحانه بعسلها

ويلا يامريم علشان تتصورى

3_

واما طلعنا نعمل بروفا لقيت جيناااااااااااا

حبيبة قلبى

عمرى ما باقرأ وراها لأنها اكيد حله صح

ربنا يحفظها

4_

اوووووووووووووووه

علاء باشا

واقف اودامى مكسوف وعمال يقولى مس

يامس

يامس

قولتله عايزززززززززززززز ايه

قالى عايز اتصور مع حضرتك

هههههههههههه

عسلللللللللللللل

طبعا روحت تنيت ليه دراعه ودخلت دراعى فيه

وقولتله يلا انا العروسه وانت العريس

الواد اتكسف جدااااااااااااااااااااااا

بس كان فرحان وانا كمان كنت مبهوره بيهم

وادى علاء :

5_

تسنيممممممممممممممممممممم

ممتازة ممتازة ممتازه

وغلبانه وهاديه

ومؤدبه

وياااااااااااه على اسئلتها السكررررررررر

دقيقه جدا

وان شاء الله هتطلع يادكتور يامهندسه

وادى تسنيم

6_

مااااااااااااااااااااااارك

جالى سلم عليا وقالى مش انا طلعت الفيرست

قولتله تعالى اتصور ياولا يافرست هنا

برده كان مكسوف جدا

وخصوصا لما قولتله اعمل ياولا اى حركه

7_

يوووووووووووووووسف

جبته من بين العيال وقولتله تعالى اصورك يايوسف

وبعد ما اتصور بساعه

جايلى وشايل منى اوىىىىىىىىىى

وقالى على فكره حضرتك ما ادتينيش فرصه اصورك عندى اتصورنا فى الكاميرا بتاعت حضرتك بس

قولتله بعد التكريم يا يوووووووووووووسف

راح قالى ماشى

وصل لغاية اودام خالص وداخل يتكرم

واذا به : يااااااااااااااااااااااااااااامس

يامسسسسسسسسسسسسسسسس

راح غامزلى وقالى هخلص واجيلك نتصور عندى

8_

مارينااااااااا

مذيعه صغيره
هتبقى شخصيه مهمه ف المجتمع
إن شاء الله
9_

آيــــــــــــــــــــــــــــه

عندها مبدأ

وانا احترم جدا الشخصيات اللى عندها مبدأ
اول ما بدأت السنه وجت مدرسه فى مرة بتضربها علشان بتتكلم مع صحبتها
قالتلها انا ما اتكلمتش والله وعمرك ما هتلاقينى مقصره فى حاجة علشان ما اديش لحد فرصه يضربنى
ورفضت تضرب
لغاية ما المدرسه طردتها بره وخرجتلى منهاره
لما اتكلمت معاها احترمتها جدا واحترمت مبدأها
هوه فى احسن من ان الانسان يبقى عنده مبدأ ويعمل كل اللى عليه علشان ماحدش يخترق مبدأه دا ؟
وادى آآآآآآآآآآآآآآآآآآآآآآيه

10

مناااااااااااااااااار

مامتها مدرسة ثانوى عام
بتمسك كتب الثانوى وتذاكرها وتيجى تسألنى فيها
ومش بالسهل انها تحب اى مدرسه
لذلك انا فخوره انى دخلت قلب

11_

دول شادى ومصطفى وعمر

وهما فى فقره

12_

وهنا لقيتهم بينادولى ويقولولى رفعنا راااااااااااااااااااااااسك يامس وجبنا الكاس

وقولتلهم والله لاصوركم بيه يااحلى عياااااااااااااااال

وبعد ما صورتهم قالولى اتصورى بالكاس قولتلهم طب يلا معايا

ووقفت ف النص والكاس فى ايدى

وهما حواليا

وإذا بى افاجأ بإن سبع موبيلات متسلطه عليا وبيصورونى ال ايه وانا ماسكه الكاس

وواقفه جنب عيالهم

طبعا اتكسفت جدا وانسحبت بسرعه لأنى لا الحضرى
ولا احمد حسن

13_

ودول بقى الكابلز اللى ما بيتفرقوش ابدا

بسنت وبسنت

14_

ونورهان ونوران

15_

ربنا يرزقنا بعيال حلوه كده

والنهايه كانت عسوله , لأنى اتكرمت انا وصحابى اللى باحبهم

واللى فعلا يستحقوا التكريم

:)

تخيــــل

تخيل نفسك لوحدك

مغمض عنيك

ساند راسك ع الرمل

صوت البحر فى ودانك

طب تخيل بقى

انك مش وحدك

معاك حلم عمرك

مع تكرار نفس المشهد

بس الفرق إن دفأ الحب حواليكم

احساس الامان مغطيكم

الحزن مش لاقى مكان وسطيكم

يلا نخرج

خرجت انا وتلاته صحابى انهارده خروجه مفاجأة وبدون مقدمات

بعد ماخلصنا المدرسه فجأه

ماتيلا نخرج اه يلا

واللى منهم بيدى دروس راح متصل بالعيال ومأجل دروسه

ركبنا التاكسى

وكنا بنضحك بهيستريا

رغم ان الطريق كان واقف بشكل غريب واول مره يكون واقف كده

كنت حاسه إن كل حد فينا شايل بلاوى جواه بيخرجها ف الضحك

طبعا طول ماحنا ف التاكسى قاعدين بنضحك بدون سبب زى المجانين

والغريبه ان عمو السواق كمان كان كل ما الطريق يقف يقعد يضحك

نزلنا اكلنا وقعدنا نضحك

بس انا حساهم اوى

وحاسه إن كل حد فيهم بجد مخنوق

وانا اولهم

المهم تظاهرت كل منا انها اتبسطت جدا

وروحنا بيوتنا

اول ما وصلت البيت لقيت بابا متنرفز على حاجه عاديه جدا , ولقتنى اتعصبت جدااااا

ودخلت نمت زعلانه زى ما اكون كنت مخنوقه واما صدقت

ثانيه ولقيت تلت رسايل من صحابى اللى كانوا معايا

كل رساله فيهم

بتعبر عن خنقه شنيعه

واحدة عايزة تقعد تتكلم معايا تانى يوم علشان مخنوقه

وواحده رسالتها من كلمتين ( مخنوقه وهاعيط ) ه

والتانيه محفظتها وقعت منها ف التاكسى ومخنوقه جدااا

طبعا ماحدش منهم يعرف ان التانى بعتلى ولا ان التانى مخنوق

كلهم عاملين مبسوطين

بس هوه احنا ليه كده ؟

واما احنا مخنوقين كنا بنضحك ليه ؟

بنخدع نفسنا ؟

ولا بنمثل ادوار على بعض ؟

دبلانه

د ب ل ا ن ه

دا يبقى امل ؟ ولا يأس ؟

شعــــــــــــــــــاع

واحــــــــــــــــــــــــــــــــــــــــــــد

وبعيـــــــــــــــددددددددد

اقوال ولكن

لأن الكل بيتهمنى بإنى بقيت كئيبه

وإن المدونه بقت كئيبه

جبتلكوا اقوال قرأتها وعجبتنى جدا , جايز تغيروا فكركم عنى:

,

الحياء و الصمت اجمل زينات المرأة

عارفه انها بقت قليلة الوجود

المرأة لغز مفتاحها كلمة واحدة هي الحب

اهه _ كلمة بحبك لوحدها بتهز كل نقطه جواها

لا تتزوج المرأة التي تريد ان تعيش معها‏,‏ وانما المرأة التي لا تستطيع ان تعيش بغيرها‏

عجبتنى اوى دى

:)

لا تترك أحدا يأتي إليك و يذهب دون أن يصبح أكثر سعاده

نسى يقول : إن استطعت :(

لا تطعن في ذوق زوجتك .. فقد اختارتك أولاً

:)

فرق كبير بين ان تحبها لانها جميله‏,‏ وان تكون جميله لانك تحبها

:)

انظر إلى اصابعك عندما تتهم إنساناً،أن اصبعاً واحداً تشير إلى هذا الإنسان ، واربع تشير إليك انت

عجبانى جدا

يمتلك المعلم أعطم مهنه,إذ تتخرج على يديه جميع المهن الأخرى

انا يعنى

لا تغلق الباب وراءك‏,‏ فقد تخرج منه بعد لحظات‏

بلاش تتغابى

عندما تغلق السعاده بابا ينفتح باب اخر‏..‏ ولكننا ننظر طويلا الي الباب المغلق وننسي ان بابا اخر قد انفتح

تفاءل وبطل كأبه

هدوء

محتاجه هدوء

نفسى اهرب لأى مكان لوحدى

اقرب نفس لأقرب بنى ادم منى ما يقلش عن 1000 كيلو متر

حائره

انــــــــــــــــــــــا

ت ع ي ش ى

تعيشى ليا ياحبيبتى ياامى

:)

NEED

some rest
:)

اربعه وعشرين

واحــــــــــــد

اتنـــــــــــــين

تلاتــــــــــــــه

بقووووووووووووووووووا كده :

واحــــــــــد

اتنيــــــــــــــن

تلاتـــــــــــــــــــــــه

م الاخر ماحدش يطلب منى اى جاتوهات او تورتات , اهى على يدكم اتدلقت منى واتبهدلت :)

قولولى بقى كل سنه وانا طيبه

تميت اربعه وعشرين

:(

كذا ليه وواحدة ايه الحل ؟

ليه المفروض إن الواحد او الواحدة ما بيعيششى من غير مايكون مرتبط ؟

ليه اول سؤال باتسأله من اى واحدة لسه بتتعرف عليا : انتى مرتبطه ؟

ليه بتستغرب اووووووووووووى لما باقولها لأ ؟

ليه بتلح ف السؤال من كذا اتجاه , يعنى لا مخطوبة ولا حتى مرتبطه بأى حد ؟

ليه كل اللى حواليا لازم يكونوا مرتبطين بأى شكل , حتى لو مش مقتنعين باللى هما مرتبطين بيه ؟

ليه لو ارتباطهم اتفك انهارده بيزعلوا يومين وبيبدأوا رحلة البحث عن ارتباط جديد ؟

ليه معظم الارتباطات اللى انا شيفاها او تقريبا كلها مش مقتنعه بيها ؟

ليه انا ما باعملش زيهم وبارتبط بأى حد وخلاص , جايز يكون الموضوع لذيذ وانا مش واخده بالى ؟

ليه انا مش ناويه ارتبط غير لما اكون مقتنعه جدااااااااا بالانسان دا من اوله

ليه انا مش مقتنعه بحد خاااااااااااااااااااااالص نهائى او مش عارفه اقتنع او خايفه اقتنع؟

ليه انا بالنسبالى الموضوع مش سهل زى باقى الناس ؟

ليه انا كده ؟

ليه الناس كده ؟

ايه الحل ؟

مش قادره اقولكم اد ايه انا كنت متضرره وانا باعمل البوست دا

بس المشكله انى بقيت احس ان مدونتى اقرب مكان ينفع افضفض معاه

ويمكن هيه الوحيدة اللى مش هتبدى اى استغراب من كلامى

مهما كانت غرابته

مس سماح لغة انجليزيه

هتبدأ الدراسه بكره

وهسمع كلمه(((( مـــــس ))))تانى

اللى ربنا كرمنى وخلانى انساها شويه

والمايك مش هيبطل يقول : :

مس سماح لغة انجليزيه تنزل ارض الطابور

:sad:

: sad :

حابسه الدمعه

هوه ليه؟

وانا قاعده بفكر لقتنى بأتســـــأل

ليه الحب من القلب؟؟؟

اشمعنى يعنى القلب

ماهو ممكن يكون من الكلى

او الرئتين

اشمعنى يعنى ربطناه بالقلب

او غالبا هوه حاجة غير ملموسه بتقشعر الجسم كله

يعنى برده مش خارجه من القلب

عجوز انا

حاسه فعلا انى عجوزه فى وسط شباب كتيييييييير

كل اللى حواليا بيغيروا مبادأهم

وانا الوحيدة اللى متمسكه بمبادئى اوى

ومش عارفه اتخلى عنها

كلهم بيواكبوا العصر وبيقدموا مبادأهم معاهم

بس انا مش عارفه اغيرها

حسانى فعلا غريبه ف عالم مش بتاعى

زمان ( على ايامى ) كان اللى يحتفظ بالمبادىء دى انسان صح

لكن دلوقتى بقى غريب

ولكن يؤسفنى انى مش عارفه اواكب عصركوا

ومصره على الاحتفاظ بمبادئى طالما انها صح

بس معلشوا اقبلوا العجوزه دى فى مجتماعكم الشبابى المتغير

:)

الراجل العجوز ورجل الطين والكمسرى وانا

البوست دا هيبقى فيه زحمه , علشان فى حاجات كتير بتدور ف دماغى ف نفس اللحظة دى , فلازما كله يتكتب

اول

امبارح نويت انزل اعمل مصلحة بعد اسبوع مكوث ف البيت وكسل وخمول

طلع عينى وكرهت الشارع

اولا ركبت المينى بص , وكنت شيفاه فيه اماكن للقعاد من بره , دخلت لقيت مافيهوش ولا كرسى

طبعا اتعكرت لأنى مابحبش ابدا اقف ف مواصله , طبعا انتوا عارفين ليه

وبصراحة اتشائمت ولقيت انى مش هينفع اقول لعمو اقف علشان انزل

فاضطريت اقف مبطوطه فى اى مكان اااااااااااااااامن

ولقيت راجل بيلم الفلوس غير السواق

, قولت حلو ف كمسرى ف المينى بص دا , اقوله بقى ينزلى عند عمر افندى

قولته , ولاقيت منه قبول فظيع شنيع بديع , وقالى حاضر من عنيا

قولته : بس بالله عليك اوعى تنسى , قالى : ماتقلقيش ياانسه

صوته كان تخين , و كانت كلمة انسه منه رخمه اوى , وماتقلقيش قلقتنى اكتر

المهم انى مش عارفه محطة عمر افندى دى قبل الحلمية ولا النعام ولا موقعها فين ع الخريطه

المينى بص وقف فى اشارة تقريبا , المهم كان فى راجل غريب الاطوار قاعد على الرصيف , كل حاجة فيه سوده

مش سوده خلقة ربنا

لأ اطلاقااااااااااا

دى سوده عفانه

زى مايكون بقاله خمسه وسبعين سنه ماشفش الميه

والراجل ماشاء الله جته وضخم

وفارش كام كيس زباله واسراب من الزباله تحته

ولقى ف وسط الاسراب دى سيجاره صغيره

راح ماسكها , وال ايه بيشربها وهيه فاضيه

وزى مايكون عايز يقول للناس انا غنى وباشترى سجاير كمان

مش انا بس اللى كنت باتفرج على الفيلم السينمائى دا اللى بطله رجل الطين

كل المينى بص كان بيتفرج معايا

مش فاهمه دا لو اشتغل اى شغلانه مهما كانت بسيطه , مش هتبقى انضف من اللى هوه واصله دا ؟

ياخساره على الصحة اللى ربنا ادهاله

:(

ومشى المينى بص تانى

بس فجأة لقتنى ابتديت اقلق

رحت سألت عمو العجوز اللى واقف جنبى

قالى لسه محطتين بمنتهى الثقه

قولتله : طب خليك متابعنى واما تيجى ابقى قولى اطلع اودام

قالى حاضر يابنتى

وقعدت ابص للكمسرى علشان ماينسانيش وينسى طلبى

والكمسرى العبيط بيضحكلى فاكرنى عجبانى وسامته مثلا

المهم حسيت ان المحطتين عدوا من عشر محطات , قولت للعجوز لسه , قالى ايوه لسه

بس انا شكيت لأن ماما كانت قايلالى دى قريبه

رحت قولت للكمسرى ها لسه؟

راح قالى هوه ايه اللى لسه

قولتله عمر افندى يافندم

قالى دى فاتت بقالها كتيييييييييييييير

رحت بصتله بغضب شنيع مريع بديع برده ,

وقولتله : انا مش قايلالك انى عايزة انزل ؟

ايه الاستفذاذ دا

عالم غريبه

طبعا الراجل العجوز المستهبل اللى عامل نفسه عارف وهوه مايعرفش اى حاجة راح منزل راسه للأرض وكأنه بيدور على نمله نايمه تحت

ونزلت من المينى بص وانا مش طايقة حاجة غير بيتى

عايزة اروح اعمل بيات شتوى ينقذنى من العالم اللى بتفتى زى الراجل العجوز والعالم المعفنه زى رجل الطين والعالم اللى مابتعرفش قدراتها زى الكمسرى

ايوه رحم الله امرء عرف قدر نفسه

انا فاكره ايام الكليه

واحدة قالت للكمسرى نزلنى المحطة الفلانيه

قالها قولى لحد من الركاب علشان انا بانسى

انا ساعتها انتقدته , وقولت فيها ايه يعنى لو ساعدها

بس دلوقتى انا باحيى الراجل

___________________

فى واحدة جارتى صغيرة ف السن توفت

ادعولها بالرحمه عن ظهر قلب

:)

____________________

والحاجه الاخيرة اللى عايزة اقولهالكم

انى مع الوقت هابطل النت تدريجيا الفترة الجاية

لغاية لما اوصل لأنى ما ادخلوش تانى

علشان بقيت مدمـــــــنه وبقعد عليه كتيررررررررر لغاية مابقيت شبه الكمبيوتر

ماتعرفوش تفرقوه عنى

بس يارب اعرف

رخامه

كنت عايزة اكتب بوست بس مكسله _ خليها بكره بقى

These r for u

l2et el messages dol we ana ba3mel search men kam yom

2olt lazm a7tohm leko

hya 3obara 3n nsay7

Bs to7fa

________________

1_

Dream as if you will live forever. Live as if you will die today

_______________

2_

Be prepared and one day your chance will come

_______________

3_

Don't love somone who is beautiful,but love the one who can make Ur life beautiful.

______________

4_

When u break the heart , it won't make any noise
BBBBBBut it'll make ((((((((((((((((pain))))))))))))))))))).

______________

5_

Don't cry over any one who won't cry over u