تصدقوا هتوحشونى : )

بالألمـــــــــــــــــــانى

بالإنجلش

بالعربى

إلى ما بعد رمضان ( إن شاء الله ) , إن احيانى المولى

تتمنى ايه ياسماح؟؟

تنويه : السؤال اللى ف اخر البوست اجبارى

من كام يوم سألتنى صحبتى : _____________

( بتتمنى ايه ياسماح؟ )

لقتنى باتهرب , بس ليه هوه الحلم بفلوس ؟؟

_ بحلم انى استعيد الألمانى اللى تقريبا نسيته نهائيا , والمشكلة انه كان اختيارى , دا أنا ياما مققت عينى ف القاموس

_ , بتمنى انى اتجوز واحد , مش اى واحد , حد يكون بيحبنى فعلا ويتقى ربنا فيا اوى , يفهمنى من غير ما اتكلم ,
وياه بقى لو طمووووووح , ماما ديما تقولى انتى غريبة ومابيعجبكيش العجب , بس انا مش شايفة كدة , انا افضل انى اقعد عمرى كله من غير جواز , ولا انى اعيش تجربة فاشلة تعيشنى حزينة , وخصوصا لأنى متأكدة انى ساعة ما هانكسر مش هاعرف اتداوى تانى ।

_ , نفسى اشوف عيالى حواليا صغيرين , وانا كمان ما اعجزش ولا يبان عليا الكبر , ويااااااااااه بقى كتير بحلم بصورة باباهم وهوه بيلاعبهم , لو بنات هجبلهم فساتين عسولة وتوك لون الفستان وهخليهم قمررررررررات ( زيى )هههه ,

لو ولد ياااااه على جماله وهوه بيعمل عليا راجل

_ ووجود عيالنا دول مش هيقتل جوانا الرومانسية , بالعكس هينشطها ويحيها

_ باتمنى إنى اسمع كلمة خالتو وعمتو

ماتستخبوش وتخبوا حلمكم معاكم

إحلموا دا الحلم ببلاش والله

,,,,,,,,,,,,,,,,,,,,,,,,,,

,,,,,,,,,,,,,,,,,,,,,,,,,,

,,,,,,,,,,,,,,,,,,,,,,,,,,

السؤال : بتتمنى ايه يا ..............؟؟

سنة الحياة

نظر إلى الجوهره بعد أن قام بلفها بقطعة حريرية بيضاء تحفظها وتظهر جمالها وابتسم

تمنى أن يضعها فى قبضة يده ولكنها كبيرة ولم تسعها قبضة يده

احتواها تحت إبطه واصطحبها إلى سيارته التى سهر الليل على تنظيفها من اجل ذلك اليوم

رجع بذاكرته إلى السنين التى عاشها يهتم بتلك الجوهرة ويحميها من الحاقدين والطامعين , وكيف عانى فى اختيار الشخص المناسب الذى سيحافظ عليها

______________

وتساءل : لماذا احفظها انا كل ذلك العمر ويأتى اليوم الذى يأخذها احد غيرى ؟؟؟ والغريب اننى كنت انتظر ذلك اليوم , والأغرب اننى اشعر بالسعادة اليوم

________________

وبينما هو غارق فى التفكير فإذا به يتوقف ليلوم نفسه فكيف يضيع كل تلك اللحظات دون الحملقة فى جوهرته , فهى مازالت ملكه ؟

______________

فادار السيارة رغبة فى العودة مرة أخرى إلى منزله , ولكن انتهى الوقت وليس لديه خيار سوى تسليم الأمانه

____________

اكمل مسيرته وكأن جبل مستقر فوق صدره من بداية تلك الرحلة الصعبة

_____________

واخيرا وصل إلى ذلك الرجل المهندم الذى يفتح يده منتظر الجوهرة , وبالفعل اخذها ووضع قبلة رقيقة على يدها فلمعت وازدادت رونقا وجمالا

تلك هى سنة الحياة ودور الآباء , يضعوا البذرة ويرعوها طيلة حياتهم حتى يأتى من يستحق أن يقتطف تلك الثمرة

وعادت ريما

ورجعتلكووووووووووووووووووا تانى

__________

حاسة انى كنت ف عالم تانى

___________

دنيا حلوة
___________

بس ما انكرش انى حسيت بالحنين لبيتى حبيبى ف اخر يوم , لما سارة قالتلى : يوووووووووووه هنرجع تانى لبيتنا
____________

لقتنى بارد عليها بكل حكمة: وهوه احنا لينا غير بيتنا , البيت دا لمجرد ما هنسيبه هيجيى ناس تانى ويسكنوا فيه ويناموا على سرايرنا ويفتحوا تلاجتنا , لكن بيتنا دا لو سيبناه عشر سنين ماحدش يقدر ياخده مننا طبعااااااااا

بحب اتنين سوا

إن شاء الله

يوووووووووووووووووووووووووم

7 / 7 / 2009

هشوفه

هاسمعه

هتصور معاه

هطير بهواااااااااه

هنسى الدنيا وانا معاه

ميت ماشى على الارض

اول لقطة لولد صغير ومعاه مامته وباباه بيفتح الباب يلاقى اودامه جارهم ومراته داخلين بيضربوا فيه,, والست دى مسكت الشبشب وهاتك ياضرب فى الاب,,,,, والاب بينزل من كل حته ف جسمه دم ووالست برده شغاله ضرب لغاية لما الاب مات اودام ابنه اللى ماتمش عشر سنين على بعضهم

_________________

اتجننت ف عقلى وقولت ادخل فيلم احمد السقا ( ابراهيم الابيض ) ويارتنى ماعملتها , ايه

الدم دا , الفيلم كله دم وناس بتتقتل واجزاء ف الجسم عمالة تتحدف , وياريت قتل من اللى احنا واخدين عليه , لأ لأ لأ ,, خالــــــص , دا يمسك رجل الواد ويدور عليها السكينة علشان يفصلها عن جسمه , كأنها بالظبط برتقانيه , والصوت بقى بتاع السكينة فعلا قشعرنى

__________________

وووووووووحش اوى الفيلم , مش حساه بيصور الحياة بجد , الدنيا عمرها ماكنت كدة ابدا , وحتى لو كان فيه فئة عايشة كدة كفاية عليهم هما يعيشوها وبلاش توروهالنا , مش عايزين نعرفهم ولا نعرف حاجة عن حياتهم
اما باتفرج على الاجنبى الاكشن , واشوف القتل بقعد اقول هما حياتهم كدة , ماهم ماعندهمش عقيدة ولا بتهمهم الارواح , يقوم الاقى ف بلدنا كدة ؟

___________

عموما انا عاملة البوست دا مخصوص علشان اقولكم :::::::::: اوعوا تتجننوا وتدخلوا الفيلم , لأنى من اول امبارح وانا حاسة بكهربه ف ودنى كل ما افتكر صوت السكاكين اللى سمعتها ف الفيلم دا وكهربه فى عينى لما افتكر الدم

انه لمن فرط سعادتى

_____اصحى براحتى خااااالص؟


ما اشوفش وش مها؟____


ما احتكش بأى اطفال اغبية؟_____


ابعد عن الشمس اللى خلتنى مافرقش كتير عن الفحم المشتعل؟_____


انا اكيد فى حلم



____لأ وهقعد كدة تلت اربع شهور

عايزة اعمل ماسك معتبر علشان الوش اللى جرى عليه الزمان دا__


وابدأ اتصالات بالعيال صحابى , اعرف الزمن عامل فيهم ايه_____


_____واخطفلى خروجتين كدة مع حد منهم


_____دا غير يعنى الشقة اللى هتشتكى من كتر النضافة


ويااه بقى عايزة اقرب من ربنا , لأنى حاسة ان الشغل بعد عننا مسافات_____

___________________

ووداعا لكل طرق الايقاظ بتاعت بابا وماما , واللى كانت احيانا ستودى بحياتى إلى الخطر




انا مش بغيظ الناس اللى بتشتغل وبتصحى بدرى ياعينى



____ولا بفقع مرارة الناس اللى ماعندهاش اجازات


ماحدش يفهم البوست دا غلط

الهروب

الهروب هوه الحل ؟؟؟؟؟؟؟؟

دين عليا بس مش هرده

( انتى اصلك فاشلة واخرك تسرحى بقرطسين طعميه )

الكلام دا كان متوجه ليا وانا فى اولى اعدادى من ميس فايزة مدرسة اللغة الانجليزية , لانى ماكنتش باخد عندها درس ولا مجموعة ورغم كدة كنت شاطرة

انا فاكرة اوى لما كانت بتقرأ قطعة وعدت عليها كلمة ما , وقعدت تسأل العيال كلها عن معناها لغاية ماجه الدور عليا وجاوبتها , راحت قالتلى ماطبعا متظبطة ف الدرس وبرده هتتضربى , ماكنتش بتقومى اقرأ ابدا رغم انه على ايامى كان احوج سن للقراءة , لانى كنت واخدة الانجلش من رابعة , كانت بتتعمد ف خلق طرق لإحباطى



داااااااااااااااااااااااااااااارت السنين , وجه اليوم اللى الاقيها جايالى تقولى بنتى بقى معاكى فى سته اول وممتازة خليلى بالك منها , قولتلها طبعاااااااااا ف عنيا , بس من جوايا شايلة منها اوى , سته ابتدائى يعنى على ايامى بتساوى اولى اعدادى يعنى نفس سنى ساعة لما كنت تحت ايديها



ورغم ان سته اول فصل متفوقين وبنتها مش نفس مستواهم إلا انى حسيت انى مش هينفع اخدها بذنب مامتها ابدااااااااا



ومن مكانى دا بعلن فشلى يامس فايزة فى تسديد الدين لأنى مش كدة وعمرى ماهكون كدة ابدا

عادى ؟

وفيها ايه يعنى اما تكون طاير فوووووووووق فووووووووووووووووق

وفجأة تلاقى نفسك ف الارض ؟؟

عادى

دكتور روحانى حضرتك؟؟؟

ريهام العربى حدفتنى بالتاج دا , وماينفعش ابدا انى ارفضلها طلب , دى واخدة حتة كبيرة من كيانى يعنى ولازم ارضيها بدال ماتغدر بيا وماترجعوش تانى , هوه تاج مايفرقش كتير عن البطاقة الشخصية :

اسمك؟

سمــــــــــــاح

المشهور بيه وسط أصحابك؟

موحة أو سموحة أو سماح

سنك؟

تلاتة وعشرين سنة ان شاء الله

مجال دراستك؟

ليسانس ألسن

لغة اولى ألمانى

تانية انجلش

اسم مدونتك؟

زى الهوااااااااااا ( الهوا الشفاف)ه

صورتك الرمزية فى المدونة بتعبر عن ايه؟

لو الرمزية اللى هيه فوق دى من المدونة يبقى بتعبر عن الحزن اللى كنت حساه بس الحمد لله نسبته بقت ضئيلة

لو الرمزية دى اللى هيه بتبقى مع البروفيل فدى بتعبر عن الطفولة والبراءة اللى اى حد فينا بيتمنى يحسها

هل فكرت فى اغلاق المدونة ؟ والسبب؟

اه .... واكترفترة فكرت فيها اقفل المدونة هيه الفترة دى لانى حاسة انى بقيت عاجزة عن التعبير عما بداخلى

إيه رد فعلك لو حد قل أدبه فى تعليق ؟

نفس رد فعلى لو حد دلق عليا كوباية ميه وانا ماشية ف الشارع هبص عليه وهضرب كف على كف وهكمل طريقى عادى ولا كأن حاجة حصلت

اسوأ مدونه؟

ماعتقدتش لسة شفتها دى لانى بحاول مادخلش غير المدونات اللى اعرفها ومافيش اى مدونة اعرفها بحسها سيئة

هيحصل إيه للايميل بعد ماتموت؟

هيموت مع صحبته

اديت الباسوورد لحد قبل كدة؟

اه __ لاتنين لصحبتى وهيه اصلا مسطولة وزمانها نسيته وباكتبه اودام اختى عادى بس برده شكلها مابتحطش ف بالها يعنى هيموت الايميل هيموت

السفر بالنسبة لك ايه؟

مش حلم عندى ولا حاجة

عادى يعنى

الموود بتاعك ايه ؟

ديما الحمد لله باكون رايقة على رأى ماما

بتعمل ايه فى وقت فراغك ؟

ممكن افتكس اى اكله او اقعد على النت او اناااااااااااااااااااااام

الأكلة المفضلة ؟

جمبرى

بشاميل

بيتزا

كشك

الصفات التى أخذتها من والدك؟

التناكة

الصفات التى اخذتها من والدتك ؟

العياط الكتير

اكتر ست حاجات بتكرههم ؟

الحر

الصوت العالى

دموع التماسيح

الكورة

نشر الغسيل

العيل الذكى بس مابيذاكرش

اكتر ست حاجات بتحبهم ؟

ايد العيال الصغيرة بابقى عايزة اكلها

ضحكة بابا

البحرررررر

بحب الحب

اللون اللبنى

الشارع بتاعنا وقت الفجر كدة او اى وقت بيبقى فاضى فيه وضلمة

شخصيتك نوعها ايه ؟

ممكن نقول شخصية غريبة ( وش محول ) السؤال دا غريب

لماذا دخلت عالم التدوين من الاساس؟

كنت عايزة اكتب كل اللى جوايا , واعبر براحتى فى مكان ليا انا بس

احلي جملة قيلت فى وصف مدونتك؟

مكسلة ادخل ادور , وخصوصا لأن جمل المدح كتيرررررر ( وش مغرور ) ه

احلى بوست كتبته؟ ضع اللينك ثم اذكر لماذا؟

البوست بتاع القطة

والبوست بتاع عارفين الواد دا يبقى مين ؟

اصلى كنت حاسة اوى الموقف وانا بحكيه

افضل مدونة قرأتها؟

مافيش افضل , اى مدونة رديت فيها اكيد عجبانى

افضل بوست قرأته؟

سؤال رخمممممممممممممم

الشغل بالنسبة لك ايه؟

ساعات بحسه حياتى

وكتير بحس انه اكبر غلطة ف حياتى

الانترنت بالنسبة لك ايه؟

عادى بيسد فراغى

تمرر التاج ده لمين ؟

لأى حد يدخل عندى ويعوز يخده

بلاش تخدهم وخدنى انا

فى عصرى كانت دادة يعنى واحدة عجوزة طخينة لابسة جلابيه تقيلة وغامقة , مكانها المفضل الارض واكلها المفضل سندوتشات العيال ولازم يبقى اسمها مكلكع وقديم يعنى مثلا مقبولة , ام كلثوم والحاجات دى

كانت عندى دادة ام كلثوم كانت على طول بتكنس , او بتبيع فيشار وعسلية , كانت بتبيع الكيس بشيلن , كنت اقعد اسحب منهاواقولها ماما هتحاسبك , وهيه كانت عارفة مامتى

ومرررررررررت الايام , ودلوفتى اتمدينت الدادات جدااااااااااا , عندنا كان ف المدرسة دادة غريبة الشكل والطبع واللون , الموبايل بتاعها انات يعنى انضف من موبايلى بلا فخر , وبشعرها مش لابسة ايشاربات وسبغاه كمان كستنائى , وكل شوية شغالة تتصل من الموبايل , وبتلبس بنطلون مش جلابية خالص , وف مرة كمان شفتها برة المدرسة كانت مظبطة نفسها على الاخر

الحمد لله من كام يوم مشيت وجابولنا دادة جديدة

بس ايييييييييييييييييييييييييييييييييييييييه

برده غريبية الشكل واللون , تيجى ترغى ولا كأنها من سننا , ولا لما تشوف حد فينا بيضرب عيل , تيجى تقعد تقولنا خلاص ماتضربوش علشان خاطرى , وتفتح ايديها وتقول لنا اضربونى انا بداله , مستفزة مستفزة يعنى , ومن كام يوم البوليس كان ف المدرسة علشان اجراء عادى يعنى كدة واوراق وكدة , راحت نزلاله تقوله والله المدرسين دول غلابة , ماتخدش حد منهم , خدنى انا وبلاش هما

اووووووووووووووفر اوووووووووووووووووووووووووووووفر يعنى

وبنلح على انها تنزل ابتدائى تحت ويجيبولنا واحدة جديدة وياعالم هتبقى عاملة اذااااااااااااااى

كل سنة وانا زى مانا

بوادر اكتئاب

دلوقتى بس عرفت يعنى ايه اغتراب ووحدة

انا تعبانة جدا ومكتئبة وزعلانة من كل الناس اللى اعرفهم علشان سابونى اوصل للدرجة دى

جايز هما مالهمش ذنب

بجد من جوايا انا مش طايقة اى حدددددددددددد ف اللحظة دى

انا كنت ماشية بنظرية انغام بتاعت مابحبش حد يشوف دموع ف عنيا

بس خلاص مش قادرة عينى قربت تورم

ادعولى موضوع الاكتئاب والخنقة والوحدة دا يعدى على خير

انا عمرى ماكنت كدة

دى الناس كانت بتحسدنى على روقانى وتكبير الدماغ

ان شاء الله هعرف ارجع زى ماكنت

يكفينى شرف المحاولة

ماحدش يسألنى عملت ايه ف الاجازة دى نهااااااااائى

--------------

كانت اجازة صغيرة اووووووووووووى

---------------

مالحقتش استمتع

-------------

خااالص

----------------

بس بجد الشعور بالفراغ هيوحشنى ----- ولا الصحيان متأخر جميللللللللللللللللللللللللللللللل وممتع جدا ,,,, ربنا يصبرنى بقى الاربع شهور الجايين لغاية اجازة اخر السنة

وداعا

التدوين بيخلينا غصب عننا نتعلق ببعض اوى , صحيح ما شفناش بعض ولا اتكلمنا مع بعض بشكل

مباشر لكن عرفنا بعض من جوه

توفى المدون الفارس الملثم , ربنا يرحمه ويجعل قبره روضة من رياض الجنة ويغفر له ذنوبه , انا فعلا عمرى مااتكلمت معاه شخصيا ولا شفته , بس حسه انى اعرفه من كتيرررررررر اوى , وطبعا مش هقول دا ياعينى كان تمانية وعشرين سنة , علشان الموت مالوش سن , كل اللى اقدر اعملهوه انى ادعيله عن ظهر قلب , واطلب منكم تدعوا له , وياه بقى لو قرأتم جزء من القرآن بنية طلب الرحمة له , وف النهاية دى عظة لينا علشان نحاول نقرب من ربنا ونظبط اعمالنا قبل فوات الاوان

مصدر الخبر من مدونة mohamed ghalia

علامة استفهام ووش بيضحك

Refresh

ياااااااااااه افتكرت الإعلان بتاع


_اخيرا


زيست __لما البنت كانت بتيجى تاخد نفس عميق وهيه بتشم صابونة ريحتها رائعة وتبتسم , كنت بحس إن احساسها دا واصلنا كلنا


اهوه الاحساس دا انا حساه دلوقتى __





اخيرا هاخد اجازة


هاعود لسنى الحقيقى


مش هابقى ميس وبتاع ,,,اللقب اللى حساه عمره ما لاق عليا ابدا


حتى الناس والله مستنكرينه ومش بالعينه عليا خالص


عارفين انا نفسى فى حاجات كتيرة اوى رغم انى متأكدة إنى مش هنول منها اى حاجة بس هخرج الكبت بقى عليكم وخلاص,,,,,,,,,


نفسى اروح اى بحر واحط رجلى فى المية واكلم البحر شوية __ بجد شيلاله كتير

,,,,,,,,,,,,,,,,,,,,,وعايزة انام على ضهرى على وش المية واسيبها تشيلنى شوية بقى ,, علشان تعبت من كتر مانا شايلة نفسى , عارفين الشعور بانك تقيلة على قلبك اوى انا بقى حساه



,,,,نفسى كمان اروح حديقة كبيرة مايبقاش فيها غيرى بس وانام على ضهرى وافتح عينى كدة واسرح فى السما الزرقا




,,,,,نفسى اشوف كل واحدة من صوحابى اللى الدنيا شغلتنى عنهم وشغلتهم عنى







تفتكروا اقدر احقق كل الاحلام دى فى ظرف اسبوع او اسبوعين ؟

, هوه الوقت بس اللى زنقنى مش اكتر ______

ماينفعش؟

لما كنت صغيرة كنت اقصى حاجة اخاف منها الكائن الخرافى اللى اسمه عفريت ,,,,,,,,,,,,



دلوقتى ماخاوفى زااااااادت اوى , وكبرت معايا

________



هوه ماينفعش ارجع موحة الاننة ؟؟

,



بس اذاى صحيح إذا كان اللى كانوا بيقولوهالى ماتوا الله يرحمهم

(انا خايفة من الاحساس بالفشل )

انا ما وصلتش لحاجة م اللى حلمت بيه

فتحت صوابعى العشرة على امل انى اتنى اى صابع منهم واقول انا حققت كذا وكذا , بس للاسف العشر صوابع مرفوعين مافيش حاجة منهم اتنت

مش هنكر إن حالى مش وحش وانى احسن من ناس كتير ,,, وانى حققت حاجات كانت برة ديرة احلامى , بس كل اللى جوة ما اتحققتش ______________ ومش هنكر برده إنى مش زعلانة اوى وانى لسة عندى امل فى الفين وتسعة

إن شاء الله السنة الجاية هتبقى نبرتى اقوى من كدة يوم مااكون حققت معظم اللى فى الدايرة ويارب مانشنش غلط تانى

على فكرة انا مش عارفة اقولكم كل سنة وانتم طيبين بمناسبة السنة الهجرية او الميلادية حتى , بسبب كارثة غزة

يلا ربنا يستر

اهه

عندما يتـــــــــألم الألم

وتموت الحياة

مش عارفة اختار مين فيهم

تعبت من الشغل جدا

اسيبه ؟؟؟



طب مانا بكره قعدة البيت

طب ماهو الشغل متعب ورخم وفوق طاقتى



وقعدة البيت بتكأبنى وبتحسسنى انى بلا هدف

مشتته بجد ومش عارفة اقرر


طب اشد فى شعرى من الغلب

انا ناوية إن شاء الله لما ربنا يكرمنى كدة واتجوز انى اقعد فى البيت معززة مكرمة وهخدم جوزى بعنيا وخصوصا لانى جربت الشغل وعرفت اذاى البنى ادم بيتعب طول ماهو بره بيته وساعتها مش هاكره قعدة البيت لانى هيبقى ورايا حاجات كتيرة اعملها فى بيتى ولعيالى إن شاء الله

_____________________________________

ماتقولولى اعمل ايه دلوقتى لغاية لما ربنا يكرمنى ينوبكم ثواب فى واحدة مسكينة زيى؟؟

हैप्पी फेअस्त

كل سنة وانتوا طيبين

ووحشنى جددددددددددددددا

, وياااااااااااارب يكون عيد حلو ويعدى علينا بخير إن شاء الله

وبرااااااااااااااااااااااااااااحة على الخروف بالله عليكم

إن شاء الله السنة الجاية تكونوا بتتابعوا مدونتى كدة من اى سايبر جنب الكعبة

وماتنسوش إن دا عيد لحمة مش عيدية ( على رأي الوالد ) , يعنى انتهزوا الفرصة وماتطلعوش شلن من محافظكم

السلام ختام

هقفل البلوج فترة



واحتمال تطول الفترة دى





وذلك للفقر التدوينى عندى اليومين دول



, ولأنى مش عارفة اعبر عن اللى جوايا بالكتابة



, بس دا مايمنعش انى لجألكم فى مدوناتكم إن شاء الله إن احيانى المولى



, إلى ان اعود للتدوين





والسلام ختام

امتى عدى يوم من غير ما انجرح ؟

السعادة

_______


دا عنوان التاج اللى بعته :

mohamed ghalia

_______________________________

وبصراحة التاج دا مناسب جدا لأنى حاسة انى داخلة على حالة من التشاؤم والاكتئاب



السؤال الأول:ماهى السعادة من وجهة نظرك؟

الرضا بالمكتوب ايا كان

_________________________________

السؤال الثانى: كيف تصل إلى السعادة؟

لو حللت كل شىء فى الكون على حسب مزاجى , يعنى مثلا:

هوه شخط فيا علشان بيحبنى ,

هيه كشرت فى وشى علشان اكيد حد ضايقها فى البيت , وهكذا

___________________________

السؤال الثالث: هل السعادة وهم أم أنها حلم صعب؟

حقيقة بس مش اى حد بيوصلها

___________________________

السؤال الرابع: هل السعادة طريق للنجاح ؟وضح؟

اه , السعادة بتخلى البنى ادم وشه مورد كدة وجميل , الناس بتحبه والحياة بتبقى حلوة ادامه , بيعرف ينجز ويبدع


___________________________


السؤال الخامس: ماهى أكثر اللحظات التى شعرت فيها بالسعادة؟

يوم نجاحى فى الثانوية العامة

يوم التنسيق

يوم تخرجى

يوم ما اخويا اشتغل وشوفت السعادة فى وش بابا وماما وحتى بابا عزمنا على كفتة

__________________________

السؤال السادس:هل ممكن أن تحقق كل شىء؟

اه ممكن لو فى اصرار بس اعتقد إن الاصرار مش متوفر اوى


________________________


السؤال السابع: السعادة تجعلك تقبل على الحياة أم لا؟

اكيد اه

_______________________

السؤال الثامن: هل أحسست يوما انك وصلت لقمة السعادة؟

لا لسة

________________________

السؤال التاسع: لماذا تمر أوقات السعادة بسرعة؟

علشان عمرها قصير

________________________

السؤال العاشر: هل ترى السعادة فى التدين؟

طبعا ( حلاوة الإيمان ) , ربنا يرزقنا اياه

________________________

السؤال الحادى عشر: هل أنت متفاؤل وعندك أمل؟ وضح؟

طول عمرى بابقى متفائلة لاقصى حدود , لدرجة الناس بتستغربنى وبتحسدنى عليها , بس حاسة إنى جبت اخرى وصبرى هينفد

________________________

السؤال الثانى عشر: إذا شعرت بالحزن ماذا تفعل؟

يا بعيط او اضحك ضحك غير طبيعى


________________________


السؤال الثالث عشر: هل يستمر معك الحزن فترة ام ينقضى فى الحال؟

بيبنقضى فى الحال بمجرد انقضاء الامر

________________________

السؤال الرابع عشر: ما رأيك فى الأفراد المتشائمين؟

التشاؤم شىء لابد منه فى بعض فترات حياتنا , بس على فترات بعيدددددددة , لكن التشاؤم المستمر بيعصبنى

_______________________



وفى تاج تانى كان جايلى من.....

حسن حنفى

______

عارفة انى اخرته جدا , اسفة اوى بس عوقبال لما كتبته

________________________
:: اية اكتر احساس بيراودك هذة الايام تجاة نفسك والاخرين ؟

تجاه نفسى : انى ماوصلتش لحاجة خالص

تجاه الاخرين : انى غريبة وسطهم وانى مش منهم , بس انا اللى عاملة كدة مش عيب منهم
________________________


أذكر صفتين يراها الناس فيك وهى ليست كذلك ؟

بيشوفونى صوغيرة اوى عن سنى , وانا مش كدة تماما , انا بحس إنى خدت من الدنيا دى وشوفت فيها اللى يخلينى اكبر من سنى بيجى ستين سنة

صفة تانية انى هادية ومستسلمة , بس انا مش كدة انا بحب اوى اخد حقى

________________________

لو معك ثلاث وردات لمن تهديها ؟

هدى وردة لبابا وماما يقسموا بقى ورقها عليهم

وابعت واحدة لشريف اخويا فى ميل

وتالتة هديها لبنوتة معايا فى الكلاس اسمها حبيبة اصلها هريانى بونيونى فمفيهاش حاجة لو اشترتلها وردايا بربع جنية يعنى

________________________


تهدى التاج لمين ؟

لأى حد مابحبش افرض حاجة على حد