Wednesday, January 28, 2009

علامة استفهام ووش بيضحك


Refresh





ياااااااااااه افتكرت الإعلان بتاع


_اخيرا


زيست __لما البنت كانت بتيجى تاخد نفس عميق وهيه بتشم صابونة ريحتها رائعة وتبتسم , كنت بحس إن احساسها دا واصلنا كلنا


اهوه الاحساس دا انا حساه دلوقتى __





اخيرا هاخد اجازة


هاعود لسنى الحقيقى


مش هابقى ميس وبتاع ,,,اللقب اللى حساه عمره ما لاق عليا ابدا


حتى الناس والله مستنكرينه ومش بالعينه عليا خالص


عارفين انا نفسى فى حاجات كتيرة اوى رغم انى متأكدة إنى مش هنول منها اى حاجة بس هخرج الكبت بقى عليكم وخلاص,,,,,,,,,


نفسى اروح اى بحر واحط رجلى فى المية واكلم البحر شوية __ بجد شيلاله كتير

,,,,,,,,,,,,,,,,,,,,,وعايزة انام على ضهرى على وش المية واسيبها تشيلنى شوية بقى ,, علشان تعبت من كتر مانا شايلة نفسى , عارفين الشعور بانك تقيلة على قلبك اوى انا بقى حساه



,,,,نفسى كمان اروح حديقة كبيرة مايبقاش فيها غيرى بس وانام على ضهرى وافتح عينى كدة واسرح فى السما الزرقا




,,,,,نفسى اشوف كل واحدة من صوحابى اللى الدنيا شغلتنى عنهم وشغلتهم عنى







تفتكروا اقدر احقق كل الاحلام دى فى ظرف اسبوع او اسبوعين ؟
, هوه الوقت بس اللى زنقنى مش اكتر ______




Wednesday, January 14, 2009

ماينفعش؟




لما كنت صغيرة كنت اقصى حاجة اخاف منها الكائن الخرافى اللى اسمه عفريت ,,,,,,,,,,,,



دلوقتى ماخاوفى زااااااادت اوى , وكبرت معايا
________



هوه ماينفعش ارجع موحة الاننة ؟؟
,



بس اذاى صحيح إذا كان اللى كانوا بيقولوهالى ماتوا الله يرحمهم



(انا خايفة من الاحساس بالفشل )